काहिरा: इजिप्तच्या सुएझ कालव्यात अडकलेले मालवाहू जहाज एव्हगीवनला पुन्हा सरळ करण्यासाठी पूर्ण प्रयत्न सुरू आहेत. मागील पाच दिवसांपासून अडकलेले जहाज काढण्यासाठी अमेरिकन नौदलही दाखल झाले आहे. मात्र, त्याच दरम्यान हे मालवाहू जहाज अडकण्यामागे हवामान नव्हे तर मानवी चूक असल्याचा दावा चौकशी अहवालात करण्यात आला आहे. या मालवाहू जहजाचे सारथ्य २५ भारतीयांकडे होते. इजिप्तचे सुएझ प्राधिकरणाचे मुख्य अधिकारी ओसामा रबिए यांनी सांगितले की, अडकलेल्या जहाजाला काढण्यासाठी प्रयत्न करण्यात येत आहेत. मात्र, कालव्यातील जलवाहतुक पूर्वी प्रमाणे कधी सुरळीत होईल, यावर त्यांनी काहीही भाष्य केले नाही. समुद्राच्या लाटा आणि वेगाने वाहणाऱ्या हवेमुळे जहाज काढण्यासाठी अडचणी येत आहेत. जहाजाभोवती असलेली माती, चिखल काढण्याचा प्रयत्न करण्यात येत आहे. जेणेकरून जहाजावरील कंटेनर न काढताच जहाजाला काढता येऊ शकते असे त्यांनी सांगितले. हवामान कारणीभूत नाही एव्हरगिवन हे मालवाहू जहाज अडकण्यासाठी खराब हवामान आणि वेगाने वारे कारणीभूत नसल्याचे ओसामा यांनी सांगितले. हा अपघात तांत्रिक कारणे अथवा मानवी चुकांमुळे झाला आहे. एव्हरगिवन जहाजाची मालकी असणाऱ्या कंपनीने खराब हवामानामुळे हा अपघात झाला असल्याचे म्हटले. वाचा: सुएझ कालव्यातील जलवाहतूक ठप्प आशिया आणि युरोपीय खंडांना जोडणाऱ्या इजिप्तमधील सुएझ कालव्यातील वाहतूक कोंडीने साऱ्या जगाचे लक्ष वेधले आहे. तैवानचे एव्हरगिव्हन हे महाकाय मालवाहू जहाज वादळात भरकटल्याने सुएझ कालव्यामध्ये अडकले आहे. यामुळे दोन्ही दिशेची जलवाहतूक पूर्णपणे ठप्प झाली आहे. युरोपात प्रवेश करण्यासाठी आता दक्षिण आफ्रिकेला वळसा घालून जावे लागणार आहे. यामुळे मालवाहू जहाजांना तब्बल ६००० मैल अतिरिक्त अंतर कापावे लागणार असून यासाठी जवळपास ३००००० डॉलर्सचा जादा खर्च इंधनासाठी करावा लागणार आहे. वाचा: मागील पाच दिवसात तब्बल ३५० मालवाहू जहाजे सुएझ कालव्याच्या मार्गावर खोळंबली आहेत. या जहाजांमध्ये कच्चा माल, इंधन, अभियांत्रिकी आणि इलेक्ट्रॉनिक वस्तू, अन्नधान्य यांचा समावेश आहे.
from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/2PxNriU
No comments:
Post a Comment