बक्सर, : एकीकडे दररोज देशात रेकॉर्डब्रेक करोनाबाधित रुग्णसंख्येची नोंद होत आहे तर दुसरीकडे लॉकडाऊनमुळे, नाईट कर्फ्यू आणि अशाच निर्बंधामुळे हजारोंच्या संख्येत मजुरांनी आपल्या गावांकडे धाव घेतलीय. शहरांतून मजुरांचं इतर राज्यांत असणाऱ्या आपल्या गावांकडे पलायन सुरूच आहे. याच दरम्यान बिहारच्या बक्सर रेल्वे स्टेशनवर घडलेल्या घटनेचा एक व्हिडिओ अतिशय चिंताजनक ठरतोय. हा व्हिडिओ बिहारच्या बक्सर रेल्वे स्टेशनचा आहे. वेगवेगळ्या शहरांतून बिहारमध्ये आपल्या गावी पोहचलेल्या प्रवाशांची धावपळ उडालेली या व्हिडिओत पाहायला. स्टेशनवर केली जाणारी कोविड चाचणी टाळण्यासाठी या नागरिकांनी स्टेशनवरून धूम ठोकली. यासाठी प्रवाशांची एकच धावपळ उडालेली पाहायला मिळाली. कोविड चाचणी टाळून या प्रवाशांनी स्टेशनबाहेर धाव घेतली. राज्यातील सर्व रेल्वे स्टेशनवर उतरणाऱ्या प्रवाशांची करण्याची व्यवस्था उपलब्ध केली जाईल. देशाच्या विविध भागांतून घरी परतणाऱ्या लोकांची स्क्रिनिंग यात केली जाईल, अशी घोषणा बिहारचे मुख्यमंत्री यांनी नुकतीच केली होती. कामाच्या निमित्तानं बिहारच्या बाहेर गेलेल्या नागरिकांना घरी परतायचं असेल तर त्यांनी जरुर राज्यात परत यावं, असंही मुख्यमंत्री नितीश कुमार यांनी म्हटलं होतं. परंतु, कोविड 'पॉझिटिव्ह' आढळलं तर क्वारंटाईन राहावं लागू नये यासाठी नागरिक कोविड चाचणी टाळताना दिसत आहेत. आपल्या घरी पोहचण्याअगोदर करोना चाचणी करणं मात्र हे प्रवासी टाळणं या प्रवाशांसहीत त्यांच्या कुटुंबीयांसाठीही धोकादायक आहे. त्यामुळे प्रशासनाच्या चिंतेत आणखीनच भर पडतेय. सुरक्षा यंत्रणेकडून नागरिकांना स्क्रिनिंगसाठी थांबवण्यात आलं तर नागरिकांकडून त्याचा विरोध केला जातो, असं काही अधिकाऱ्यांनी म्हटलंय. अनेक स्टेशनवर पोलीस कर्मचारीही उपलब्ध नसतात किंवा त्यांची संख्या अपुरी असते.
from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/3mWp7Uz
No comments:
Post a Comment