Breaking

Friday, April 16, 2021

संचारबंदीत सुरु होती दारुची तस्करी; पोलिसांना सुगावा लागला अन्... https://ift.tt/3uYH3AM

अकोलाः अवैधरीत्या दारुची तस्करी करणाऱ्यांचं जाळं जिल्ह्यात मोठ्या प्रमाणात फोफावल्याचं दिसत आहे. तस्करीविरोधात अकोला पोलिसांनी कारवाई सुरु केली आहे. पोलिसांनी वेगवेगळ्या कारवाईतं दारुची तस्करी करणाऱ्या ६ लोकांना पकडले आहे. पोलिसांनी या तस्करांकडून अनेक दारुच्या पेट्या जप्त केल्या असून या दारुसह जप्त केलेल्या मुद्देमालाची एकत्रित किंमत जवळपास ८ लाखांच्या घरात आहे. अकोला पोलिसांच्या स्थानिक गुन्हे शाखेसह पातुर, चान्नी आणि खदान पोलिसांनी ही कारवाई केली आहे. करोनाचा वाढता प्रादुर्भाव पाहता राज्यात संचारबंदी लागू करण्यात आली आहे. देशी-विदेशी दारूची दुकाने, बीयर बार आणि मद्यालये बंद आहेत. त्यामुळे मद्यपींची चांगलीच अडचण होते आहे. हीच बाब हेरुन अनेकांनी दारू तस्करीकडे मोर्चा वळविला आहे. दूसरीकडे करोनामुळे गावागावात सतर्कता असल्याने शेतशिवारातं तर नदीकाठी दारुचे अड्डे बनविले जात आहेत. यामुळ पोलीस प्रशासनाची डोकेदुखी चांगलीचं वाढली आहे. दरम्यानं, करोनावर मात करण्यासाठी आरोग्य कर्मचारी रुग्णालयात तर पोलीस रस्त्यावर कर्तव्य बजावत आहे. याचाच फायदा गल्ली बोळातील अवैध दारू विक्रेते घेत आहेत. दारुची तस्करी होत असल्याची माहिती खदान पोलिसांना मिळाली. या माहितीवरुन पोलीसांनी शुक्रवारी रात्रीच्या सुमारास कारवाई करीत दोन लोकांना ताब्यात घेतले आहे. आकाश सिंग आणि सिद्धार्थ मधुकर प्रधान असं दोघांची नावे असून दोघेही खदान परिसरातील रहिवासी आहे. त्यांच्याकडून पोलिसांनी देशी दारुसह मोबाईल असा एकत्रित १ लाख ५० हजारांच्या जवळपास मुद्देमाल जप्त केलाय. ही कारवाई पोलीस निरीक्षक देवराव खंडेराव यांनी केली आहे. तर दुसऱ्या एका घटनेत, अवैधरित्या देशी दारूची वाहतूक करीत असलेली एक पांढऱ्या रंगाची झायलो चार चाकी वाहन पोलिसांच्या स्थानिक गुन्हे पोलीसांनी पकडले आहे. पोलिसांनी दोघांना ताब्यात घेतले आले असून हरीश वसंतराव झटाले आणि प्रणव अरुण वारकरी अशी त्यांची नावे आहेत. त्यांच्याकडून देशीदारुसह एक चारचाकी वाहन असा एकत्रित ४ लाख ५० हजारांवर मुद्देमाल जप्त केला आहे. पोलिस उपनिरीक्षक सागर हटवार यांनी ही कारवाई केली. तर दूसरीकडे पातुर पोलिसांनीदेखील बस स्थानक परिसरात अवैधरित्या दारुची विक्री करणाऱ्याला पकडले आहे. आकाश श्रीनिवास भटकर यांच्याकडून अंदाजे ५ हजाराची देशी दारु जप्त केली आहे. पोलिस उपनिरीक्षक मीरा सोनोने यांनी ही कारवाई केली आहे. दरम्यान, संचारबंदीचे उल्लंघन करून अकोला जिल्ह्यात अनेक ठिकाणी सर्रासपणे दारूची विक्री व तस्करी केली जात असल्याचं पोलीसांच्या कारवाईनंतर समोर आले आहे.


from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/3mWh8GQ

No comments:

Post a Comment