Breaking

Friday, April 16, 2021

Live : पश्चिम बंगालमध्ये पाचव्या टप्प्यात मतदान सुरु https://ift.tt/3dqW2xn

कोलकाता : देशातील वाढत्या करोना संक्रमणा दरम्यान पश्चिम बंगालसहीत पाच राज्यांत विधानसभा निवडणुका सुरू आहेत. आज (शनिवारी) पश्चिम बंगालमध्ये पाचव्या टप्प्यातील पार पडतंय. पश्चिम बंगालच्या २९४ जागांपैंकी एकूण १३५ जागांवर चार टप्प्यात मतदान याअगोदर पार पडलंय तर अजून १५९ जागांवर मतदान बाकी आहे. मतदानाच्या चौथ्या टप्प्यात सितलकुची भागात झालेल्या गोळीबारानंतर निवडणूक आयोगानं पाचव्या टप्प्यात सुरक्षा आणखीन वाढवली आहे. या टप्प्यात केंद्रीय सुरक्षादलाच्या ८५३ तुकड्या तैनात करण्यात आल्या आहेत. पश्चिम बंगालमध्ये आतापर्यंत झालेल्या प्रत्येक टप्प्यातील मतदानादरम्यान हिंसेचा प्रकार घडल्याचं दिसून येतंय. LIVE अपडेट : - सकाळी ७.०० वाजता मतदानाला सुरूवात होईल. सायंकाळी ६.०० वाजेपर्यंत हे मतदान सुरू राहील - या पाचव्या राज्यातील सहा जिल्ह्यांतील एकूण ४५ जागांवर मतदान होणार आहे - पाचव्या टप्प्यातील सगळे मतदान केंद्र संवेदनशील म्हणून घोषित करण्यात आले आहेत - पाचव्या टप्प्यात एकूण १ कोटी १३ लाख ७३ हजार ३०७ मतदार मतदानाचा हक्क बजावणार आहेत - मतदानाच्या पाचव्या टप्प्यात एकूण ३४२ उमेदवारी आपलं भविष्य आजमावत आहेत - मतदानासाठी वेगवेगळ्या जिल्ह्यांत एकूण १५,७८९ मतदान केंद्र उभारण्यात आली आहेत राज्यात २२ एप्रिल रोजी सहाव्या टप्प्यात ४३ जागांवर, २६ एप्रिल रोजी सातव्या टप्प्यात ३६ जागांवर तर २९ एप्रिल रोजी आठव्या टप्प्यात ३५ जागांवर मतदान होणार आहे. तर २ मे रोजी पाचही राज्यांचे निकाल जाहीर होतील. याच दरम्यान, गेल्या २४ तासांत राज्यात तब्बल ६,९१० नवीन संक्रमित रुग्ण आढळले आहेत तर २६ जणांच्या मृत्यूची नोंद करण्यात आलीय.


from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/3x5GRBp

No comments:

Post a Comment