वृत्तसंस्था, दिल्लीत २०१२ साली घडलेल्या 'निर्भया' प्रकरणाची आठवण देणारी क्रूर घटना मुंबईत घडली असून, ३४ वर्षीय महिलेवर बलात्कार करून तिच्या गुप्तांगात लोखंडी रॉड घालण्यात आला. तिची प्रकृती चिंताजनक असून, तिला रुग्णालयात दाखल करण्यात आले आहे. मुंबईतील कांदीवली येथील खैरानी रोड येथे ही क्रूर घटना घडली. या प्रकरणात मोहन चौहान (वय ४५) यास अटक करण्यात आली आहे. चौहान याने एका टेम्पोमध्ये महिलेवर बलात्कार केला. पहाटेच्या सुमारास ही घटना घडली. एक व्यक्ती महिलेला मारहाण करीत असल्याचा फोन पोलिस नियंत्रण कक्षाला पहाटेच्या सुमारास करण्यात आला. पोलिसांनी घटनास्थळी धाव घेतल्यानंतर महिला रक्ताच्या थारोळ्यात पडल्याचे दिसले. तिला तातडीने राजावाडी रुग्णालयात नेण्यात आले. प्राथमिक तपासात तिच्यावर बलात्कार झाल्याचे आणि गुप्तांगात लोखंडी रॉड घालण्यात आल्याचे आढळले. संबंधित टेम्पोमध्येही रक्त आढळले आहे. संबंधित महिलेची प्रकृती चिंताजनक असल्याचे डॉक्टरांनी सांगितले. या संदर्भात काही माहिती मिळाल्यानंतर पोलिसांनी चौहानला अटक केली. त्याच्यावर बलात्कार आणि खुनाच्या प्रयत्नाचे कलम लावण्यात आले आहे.
from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/3hnmdXl
No comments:
Post a Comment