Breaking

Wednesday, November 17, 2021

अखेरच्या षटकात भारताचा थरारक विजय, विश्वचषकातील पराभवाचा काढला वचपा... https://ift.tt/3kLYdi9

जयपूर : रोहित शर्माच्या नेतृत्वाखाली आज भारतीय संघाने विजयाची बोहनी केली, त्याचबरोबर विश्वचषकातील पराभवाचा वचपाही काढला. न्यूझीलंडने भारतापुढे विजयासाठी १६५ धावांचे आव्हान ठेवले होते. या आव्हानाचा पाठलाग करताना रोहित शर्मा आणि सूर्यकुमार यादवने धडाकेबाज फलंदाजी केली. पण हे दोघे बाद झाल्यावर भारताची अवस्था थोडी बिकट झाली होती. अखेरच्या षटकात सामना चांगलाच रंगला होता. पण रिषभ पंतने चौकार लगावत भारताला विजय मिळवून दिला. न्यूझीलंडच्या १६५ धावांच्या आव्हानाचा पाठलाग करताना भारताचा नवा कर्णधार रोहित शर्माने धडाकेबाज फटेकबाजीला सुरुवात केली. एकामागून एक रोहित धमाकेदार फटकेबाजी करत राहीला. पण यावेळी लोकेश राहुल मोठी खेळी साकारण्या अपयशी ठरला. राहुलला यावेळी १५ धावांवर समाधान मानावे लागले. राहुल बाद झाल्यावर रोहित आणि सूर्यकुमार यादव यांची चांगली भागीदारी पाहायला मिळाली. या भागीदारीच्या जोरावर भारतीय संघाने आपाल रनरेट चांगलाच वाढवला. रोहित शर्मा आता अर्धशतक झळकावणार, असे वाटत होते. पण रोहितचे अर्धशतक यावेळी फक्त दोन धावांनी हुकले. रोहितने ३६ चेंडूंत ५ चौकार आणि दोन षटकारांसह ४८ धावा केल्या. रोहितचे अर्धशतक हुकले असले तरी ही कसर सूर्यकुमारने भरून काढली आणि न्यूझीलंडच्या गोलंदाजीवर प्रहार करत अर्धशतक झळकावले. सूर्यकुमार आता भारताला विजयावर शिक्कामोर्तब करून देणार, असे वाटत असतानाच त्याला ट्रेंट बोल्टने बाद केले. सूर्यकुमारने ४० चेंडूंत ६ चौकार आणि तीन षटकारांच्या जोरावर ६२ धावा केल्या. भुवनेश्वर कुमारने आपल्या पहिल्या षटकाच्या तिसऱ्याच चेंडूवर डॅरिल मिचेलला बाद करत न्यूझीलंडला पहिला धक्का दिला. मिचेलला यावेळी भोपळाही फोडता आला नाही. पहिला धक्का बसला असला तरी न्यूझीलंडा संघ बिथरला नाही, उलट मार्टिन गप्तिल आणि मार्क चॅम्पमन यांनी दुसऱ्या विकेटसाठी १०९ धावांची भागीदारी रचली आणि संघाला चांगली धावसंख्या उभारून दिली. चॅम्पमनने आक्रमक फलंदाजी करताना षटकारासह आपले अर्धशतक साजर केले. ही जोडी आता मोठी धावसंख्या उभारणार, असे वाट होते. पण त्याचवेळी अश्विनने चॅम्पमनला बाद करत ही जोडी फोडली. चॅम्पमनने यावेळी ५० चेंडूंमध्ये सहा चौकार आणि दोन षटकारांच्या जोरावर ६३ धावांची खेळी साकारली. चॅम्पमनला बाद केल्यावर त्याच षटकात अश्विनने अजून एक धक्का न्यूझीलंडला दिला. अश्विनने यावेळी ग्लेन फिलीप्सला बाद केले आणि न्यूझीलंडचा तिसरा धक्का दिला. फिलीप्सला यावेळी भोपळाही फोडता आला नाही. एकामागून एक दोन धक्के न्यूझीलंडला बसले, पण दुसऱ्या टोकाकडून गप्तिल मात्र धडाकेबाज फटेकाबाजी करत होता. गप्तिलने यावेळी भारताच्या गोलंदाजांचा चांगलाच समाचार घेत आपले अर्धशतकही पूर्ण केले. पण भारताचा मध्यमगती गोलंदाज दीपक चहरने यावेळी गप्तिलला बाद करत भारताला मोठे यश मिळवून दिले. गप्तिलने यावेळी फक्त ४२ चेंडूंत तीन चौकार आणि चार षटकारांच्या जोरावर ७० धावांची महत्वपूर्ण खेळी साकारली.


from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/3CuXc41

No comments:

Post a Comment