मुंबई : करोना रोखणारी क्रांतिकारी लस रशियाने विकसित केली आहे. त्यामुळे जगभरात सध्या करोनामुळे निर्माण झालेली काळजी मिटली. या पार्श्वभूमीवर गुंतवणूकदारांनी गुरुवारी बाजारात पुन्हा एकदा खरेदीवर भर दिला. त्यामुळे मुंबई शेअर बाजाराचा सेन्सेक्स १३९ अंकांनी वधारला आहे. निफ्टीत ४७ अंकांची वाढ झाली आहे. गेल्या काही सत्रात चिनी अर्थव्यवस्था करोनातून सावरू लागली आहे. त्यामुळे बाजारात धातू क्षेत्रातील शेअर्सची मागणी वाढली आहे. बीएसई मेटल इंडेक्स मार्चपासून ६० टक्क्यांनी वधारला आहे. यात हिंदाल्को इंडस्ट्रीज, जेएसडब्लु स्टील, टाटा स्टील, मिश्र धातू निगम या शेअर्समध्ये वाढ झाली आहे. सध्या बाजारात टाटा स्टील, एसबीआय, टीसीएस, ऍक्सिस बँक, एनटीपीसी, महिंद्रा अँड महिंद्रा, अल्ट्रा टेक सिमेंट, बजाज फिनसर्व्ह, सन फार्मा, एचडीएफसी बँक, नेस्ले इंडिया आदी शेअर वधारले आहेत. तर मारुती, बजाज ऑटो, आयटीसी, भारती एअरटेल या शेअरमध्ये घसरण झाली आहे. आशियातील आज तेजीत आहेत. हॉंगकाँग , चीन आणि सिंगापूरमधील शेअर निर्देशांकात वाढ झाली आहे. करोना व्हायरस रोखण्यासाठी मार्चच्या अखेरच्या आठवड्यात संपूर्ण देशात लॉकडाउन जाहीर करण्यात आला. यामुळे आर्थिक घडामोडी पूर्णपणे ठप्प झाल्या. पण आता देशात अनलॉकची प्रक्रिया सुरू झाली आहे. अनेक महत्त्वाचे उद्योग व्यवसाय पूर्णपणे सुरू झाले आहेत. यामुळे गेल्या काही दिवसात रोजगार कपातीच्या बातम्या आता मागे पडत असून देशात विविध ठिकाणी नव्याने सुरू झाली आहे. वाचा : लॉकडाउननंतर सेन्सेक्सने आतापर्यंत ४८ टक्क्यांची भरपाई केली आहे. २३ मार्चच्या २५,९८१च्या पातळीवरून सेन्सेक्स आता ३८,५००च्या नजीक आहे. या कालावधीत गुंतवणूकदारांना चांगलाच फायदा झाला आहे. शेअर बाजारात नोंदणीकृत कंपन्यांचे बाजारमूल्य एक फेब्रुवारीला १५३ लाख कोटी रुपये होते. मंगळवारी (११ ऑगस्ट) बाजारमूल्य १५२ लाख कोटी रुपयांच्या आसपास होते. याचाच अर्थ फेब्रुवारी आणि आताच्या बाजारमूल्यात केवळ एक लाख कोटी रुपयांचेच अंतर राहिले आहे.
from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/3fZctiE
No comments:
Post a Comment