बंगळुरू हिंसाचार पूर्वनियोजित, दंगेखोरांकडून नुकसानीची वसुली करणार https://ift.tt/3h5MAPz

बंगळुरू : काँग्रेस आमदाराच्या एका नातेवाईकानं सोशल मीडियावर टाकलेल्या कथित पोस्टमुळे हिंसक झालेल्या जमावावर नियंत्रण मिळवण्यासाठी पोलिसांनी केलेल्या गोळीबारात तीन जण ठार झाले. कर्नाटकचे मंत्री () यांच्या म्हणण्यानुसार, मंगळवारी सायंकाळी बंगळुरूमध्ये उसळलेला होता, तो घडवून आणला गेला. बुधवारी पत्रकारांशी संवाद साधताना रवि यांनी भाजप शासित राज्य असलेल्या उत्तर प्रदेशप्रमाणेच कर्नाटक सरकारही हिंसेदरम्यान नष्ट झालेल्या संपत्तीची आणि दंगेखोरांकडून करणार असल्याचं सांगितलंय. उल्लेखनीय म्हणजे, गेल्या वर्षी नागरिकत्व संशोधन कायद्याविरोधात आंदोलनादरम्यान झालेल्या हिंसाचारानंतर उत्तर प्रदेशच्या सरकारनं अशाच पद्धतीनं वसुली केली होती. पोलीस गोळीबारात तीन जणांनी गमावला जीव बेंगळुरू पोलीस आयुक्त कमल पंत यांनी दिलेल्या माहितीनुसार, पुलकेशी नगर इथं झालेल्या हिंसाचारात ५० पोलीस कर्मचाऱ्यांसह अनेक जण जखमी झाले असून, ११० जणांना अटक करण्यात आलीय. सोशल मीडियावर संबंधित पोस्ट टाकणाऱ्या नवीन नावाच्या व्यक्तीला अटक करण्यात आली आहे. नवीन हा संबंधित आमदाराचा भाचा आहे. सोशल मीडियावरील भावना भडकावणाऱ्या कथित पोस्टनंतर मंगळवारी रात्री सुरू झालेला हिंसाचार, जाळपोळ आणि तोडफोडीचा प्रकार बुधवारी पहाटेपर्यंत सुरू होता. काँग्रेस आमदार अखंड श्रीनिवास मूर्ती यांचे निवासस्थान आणि डीजे हळ्ळी पोलीस ठाणे संतापलेल्या जमावाचं लक्ष्य ठरलं. मंगळवारी रात्री हिंसक जमावानं डीजे हळ्ळी पोलीस ठाण्याला आग लावली. तेथील पोलिसांची आणि अन्य खासगी वाहने त्यांनी पेटवून दिली. आमदार मूर्ती आणि त्यांच्या बहिणीच्या मालकीच्या अनेक वस्तूंची जमावाने तोडफोड केली. एक एटीएमही फोडण्यात आले. वाचा : वाचा : बाहेरून आलेल्या टोळक्यानं घडवला हिंसाचार जमावाला पांगवण्यासाठी पोलिसांनी आधी लाठीमार केला. अश्रुधुराची नळकांडीही फोडली. तरीही बेफाम झालेला जमाव आटोक्यात येत नसल्याचं पाहून पोलिसांनी अखेर गोळीबार केला. त्यात तीन जण ठार झाले. यातील एकाची ओळख पटली असून त्याचं नाव यासिन पाशा असं आहे. त्याचे वडील अफझल यांनी मात्र आपला मुलगा निरपराध असल्याचं म्हटलंय. तो या परिसरात मटणाचे दुकान चालवतो. जेवणासाठी तो बाहेर पडला असता पोलिसांच्या गोळीबारात मारला गेल्याचं ते म्हणाले. बाहेरून आलेल्या टोळक्यांनी मालमत्तेचं नुकसान केलं असून त्यांनीच हिंसाचार घडवल्याचा आरोप त्यांनी केला. आमदार मूर्ती यांचं निवासस्थान आणि पोलीस ठाण्यावरील हल्ल्याचा मुख्यमंत्री बी. एस. येडियुरप्पा यांनी निषेध केला आहे. हिंसाचार नियंत्रणात आणण्यासाठी सरकारने आवश्यक पावलं उचलली असल्याचं त्यांनी सांगितलंय. तर, दंगली घडवून कायदा आणि सुव्यवस्थेला धोका पोहोचवणाऱ्यांची गय केली जाणार नाही, असा इशारा पोलिसांनी दिला आहे. दरम्यान, या भागात संचारबंदी लागू करण्यात आली आहे. आमदार मूर्ती यांच्यासह अन्य काँग्रेस नेत्यांनी मुस्लीम समुदायाला शांततेचं आवाहन केलंय. जिल्हा दंडाधिकाऱ्यांकडून चौकशी प्रकरणी जिल्हा दंडाधिकाऱ्यांमार्फत चौकशी करण्याचा निर्णय कर्नाटक सरकारनं घेतलाय. या हिंसाचारात सार्वजनिक मालमत्तेचं झालेल्या नुकसानीची भरपाई दंगलखोरांकडून वसूल करण्यात येईल, असं गृहमंत्री बसवराज बोम्मई यांनी सांगितलंय. वाचा : वाचा :

from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/3fVYbz0