: हत्येचा आरोप असलेल्या आणखी एका आरोपीचा पोलिसांकडून करण्यात आलाय. या आरोपीचं नाव गिरधारी असल्याचं समजतंय. लखनऊच्या पॉश विभूतिखंड भागातील पूर्व ब्लॉक प्रमुख यांच्या हत्येचा मुख्य आरोप याच्यावर होता. गिरधारी याला अटक केल्यानंतर त्याला घेऊन पोलीस लखनऊच्या खरगापूर भागात दाखल झाले होते. हत्या प्रकरणातील पुरावे गोळा करण्याचं पोलिसांचं काम सुरू होतं. या दरम्यान गिरधारी यानं पोलिसांची बंदूक हिसकावून घेत पळून जाण्याचा प्रयत्न केला. यानंतर झालेल्या चकमकीत गिरधारी ठार झाला, अशी माहिती पोलिसांनी दिलीय. उल्लेखनीय म्हणजे, गिरधारी याच्या मृत्यूची कहाणी कानपूरच्या बिकरू हत्याकांड प्रकरणातील प्रमुख आरोपी एन्काऊन्टरच्या कहाणीशी अगदी मिळती-जुळती आहे. पोलिसांची बंदूक घेऊन पळण्याचा प्रयत्न करणाऱ्या विकास दुबेचा एन्काऊन्टरमध्ये मृत्यू झाल्याचं पोलिसांकडून सांगण्यात आलं होतं. पोलिसांनी दिलेल्या माहितीनुसार, गिरधारी याला दिल्ली पोलिसांनी अटक केल्यानंतर त्याला उत्तर प्रदेशात आणण्यात आलं होतं. दिल्ली पोलिसांच्या आउटर नॉर्थ जिल्ह्याच्या स्पेशल स्टाफ पोलिसांनी रोहिणी भागातून आरोपी गिरधारी याला ताब्यात घेतलं होतं. त्यानंतर कायदेशीर कारवाई पूर्ण करत त्याला दिल्लीहून लखनऊला आणण्यात आलं होतं. रविवारी रात्री पोलिसांची एक टीम हत्याकांडात वापरण्यात आलेली हत्यारं जप्त करण्यासाठी गिरधारी याला आपल्या वाहनातून सहारा रुग्णालयाजवळ स्थित खरगापूर भागात घेऊन आले होते. पोलिसांच्या म्हणण्यानुसार, गिरधारी याला पोलीस गाडीखाली उतरवत असतानाच त्यानं सब इन्स्पेक्टर अख्तर उस्मानी यांच्यावर हल्ला केला. त्यांचा पिस्तूल हिसकावून पळून जाण्याचा प्रयत्नही त्यानं केला. या दरम्यान पोलिसांच्या टीमनं त्याचा पाठलाग केला. या घटनेची सूचना तत्काळ कंट्रोल रुमला देण्यात आली. त्यानंतर पोलिसांची एक मोठ्या टीमनं भागाला घेराव घालून गिरधारी याला आत्मसमर्पण करण्याचा इशारा दिला. परंतु, गिरधारी यानं पोलिसांवर गोळीबार केला. त्यानंतर पोलिसांनी गोळीबाराला प्रत्यूत्तर देताना झालेल्या चकमकीत गिरधारी गंभीर जखमी झाला. जखमी आरोपीला पोलिसांनी तत्काळ राम मनोहर लोहिया रुग्णालयात हलवलं. इथे डॉक्टरांनी त्याला मृत घोषित केलं. सप्टेंबर २०१९ मध्ये वाराणसीत माफिया नितेश सिंह बबलू याची दिवसाढवळ्या गोळ्या घालून हत्या करण्याचाही आरोप गिरधारीवर होता.
from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/3blIuBd
No comments:
Post a Comment