चमोली, उत्तराखंड : उत्तराखंडच्या जिल्ह्यात घडलेल्या दुर्घटनेनंतर आज नवव्या दिवशीही मदतकार्य सुरू आहे. तपोवन बोगद्यातून मलबा बाहेर काढत आत दाखल झालेल्या सुरक्षा यंत्रणांच्या हाती आत्तापर्यंत ११ मृतदेह लागले आहेत. त्यामुळे आत्तापर्यंत बाहेर काढण्यात आलेल्या मृतदेहांची संख्या ५८ वर पोहचलीय. अद्यापही जवळपास १५० लोक बेपत्ता आहेत. हाती लागलेल्या मृतदेहांपैंकी जवळपास ३० मृतदेहांची ओळख पटलीय. सोमवारीदेखील पाच लागले होते. त्यातील तीन मृतदेह तपोवन बोगद्यातून बाहेर काढण्यात आले होते. आयटीबीपी आणि भारतीय लष्कराच्या मदतीनं रेस्क्यू ऑपरेशन सुरूच आहे. तज्ज्ञ डॉक्टर आणि डीएनए एक्सपर्टसच्या म्हणण्यानुसार बाहेर काढण्यात आलेल्या मृतदेहांचे डीएनए सॅम्पल घेण्यात आले आहेत. तसंच पोस्टमॉर्टेम कारवाईही करण्यात आली आहे. महसूल विभागाकडून घेतल्या गेलेल्या आढाव्यात दिलेल्या माहितीनुसार, दुर्घटनेतील पीडित कुटुंबांना गृह अनुदान सहाय्य निधी वाटप करण्यात येत आहे. आरोग्य विभागाच्या आढावा दरम्यान दिलेल्या माहितीनुसार, सोमवारपर्यंत सात वैद्यकीय पथकांकडून १२९५ जणांची आरोग्य चाचणी करण्यात आली आहे. तर रिंगी, रेग्डी, सुराई योथ आणि रैणी चकलाता यांसारख्या बाधित गावांत आरोग्य शिबिरं सुरू करण्यात आली आहेत. रैणी परिसरातील बचाव कार्यांची माहिती घेत आयटीबीपी, एनडीआरएफ आणि जिल्हा प्रशासनाच्या पथकांना बचावाच्या कामाला आणखीन वेग देण्याच्या सूचना करण्यात आलेल्या आहेत. आवश्यक असल्यास मशीनची संख्याही वाढविण्यात यावी, असंदेखील सांगण्यात आलंय.
from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/3bcj60j
No comments:
Post a Comment