चेन्नई : द्रमुक मुन्नेत्र कळघम पक्षाचे प्रमुख यांनी आज राज्याचे म्हणून शपथ घेतली. तामिळनाडूचे राज्यपाल बनवारी लाल पुरोहित यांनी स्टॅलिन यांना शपथ दिली. सकाळी ९.०० वाजता राजभवन परिसरात शपथविधीचा छोटेखानी कार्यक्रमाला सुरुवात झाली. स्टॅलिन यांच्यासोबत इतर ३३ मंत्र्यांनीही पदाची आणि गोपनियतेची शपथ घेतली. स्टॅलिन यांनी आपल्या सरकारमध्ये काही अनुभवी चेहऱ्यांचा समावेश केला आहे तर काही नवीन चेहऱ्यांनाही संधी मिळालीय. स्टॅलिन यांच्या सरकारमध्ये पी के सेकर बाबू, एस एम नसर, चेन्नईचे माजी महापौर सुब्रमण्यम, द्रमूकचे माजी सल्लागार आर सखापानी, पी मूर्ती, आर गांधी, एस एस शिवशंकर, पलानीले त्यागराजन, अनबिल महेश मोय्यामोजी, शिवा व्ही मयनाथन, सी व्ही गणेशन आणि टी मनो थांगराज यांचा समावेश आहे. मंत्रिमंडळात दोन महिला प्रतिनिधींचाही समावेश आहे. यामध्ये गीता जीव आणि एन कयालविजी सेल्वराज यांना संधी मिळालीय. मुख्यमंत्री एम के स्टॅलिन हे सार्वजनिक सामान्य प्रशासन, आयएएस, आयपीएस तसंच अखिल भारतीय सेवा, जिल्हा राजस्व अधिकारी, पोलीस, गृह, विशेष प्रोत्साहन, विशेष कार्यक्रम कार्यान्वयन आणि इतर विभाग असणार आहेत. माजी मंत्री तसंच द्रमुक महासचिव दुरईमुरुगन यांना मंत्रिमंडळात दुसरं स्थान देण्यात आलंय. त्यांच्याकडे जलसंपदा विभागाची जबाबदारी सोपवण्यात आलीय. द्रमुकची तब्बल १० वर्षानंतर राज्यात सत्ता स्थापना झालीय. द्रमुकनं राज्यात सहाव्या वेळेस सत्ता स्थापना केलीय. राज्यपाल बनवारी लाल पुरोहित यांनी बुधवारी स्टॅलिन यांना राज्यात सत्ता स्थापनेसाठी निमंत्रण दिलं होतं. विधिमंडळपक्षाचे नेते म्हणून निवड झाल्यानंतर राज्यपालांनी स्टॅलिन यांना हे आमंत्रण धाडलं. उल्लेखनीय म्हणजे डीएमकेच्या गेल्या वेळच्या सरकारमध्ये (२००६ ते २०११) स्टॅलिन यांनी उपमुख्यमंत्री पदाची जबाबदारी हाताळली होती. त्याचे पिता एम करुणानिधी या सरकारचे मुख्यमंत्री होते. पहिल्यांदाच स्टॅलिन यांनी राज्याच्या मुख्यमंत्रीपदाची शपथ घेतलीय. विधानसभा निवडणूक २०२१ मध्ये द्रविड मुन्नेत्र कळघमनं २३४ पैंकी १३४ जागांवर विजय मिळवलाय. डीएमके आणि सहकाऱ्यांनी एकूण १५६ जागा खिशात घातल्यात. त्यामुळे त्यांचा सत्तास्थापनेचा मार्ग मोकळा झाला. विरोधी एआयडीएमकेला केवळ ६६ जागांवर विजय मिळवता येणं शक्य झालंय. तर त्यांचे सहकारी पक्ष भाजपला चार आणि पीएमकेला केवळ पाच जागांवर विजय मिळालाय.
from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/3nWz1pu
No comments:
Post a Comment