मुंबई लोकल ठरलीय मोबाइल चोरांचे हॉटस्पॉट https://ift.tt/3vQ51Pp

म. टा. प्रतिनिधी, मुंबई मुंबईची उपनगरी लोकलसेवा म्हणजे शहराची जीवनवाहिनी. थांबली की मुंबई थांबते असे म्हटले जाते. मात्र हीच मुंबई लोकल मोबाइल चोरांचे हॉटस्पॉट ठरली आहे. गेल्या ४ वर्षांत मुंबई लोकलमधून ६२,६२१ मोबाइल फोनची चोरी झाली असून यापैकी अवघ्या १२ टक्के अर्थात ७,५७५ प्रकरणांचा छडा लावण्यात रेल्वे पोलिसांनी यश आले आहे. उर्वरित प्रकरणांचा तपास सुरूच असल्याची धक्कादायक बाब समोर आली आहे. करोना निर्बंधांत टप्प्याटप्प्याने मोकळीक देण्यात येत आहे. सध्या अत्यावश्यक सेवेतील कर्मचाऱ्यांसाठी धावणाऱ्या उपनगरीय रेल्वेत पुढील टप्प्यात सर्वसामान्यांना मुभा मिळण्याची शक्यता आहे. मर्यादित प्रवासीसंख्या असतानादेखील मोबाइलचोरीच्या घटना सातत्याने घडत असल्याने लोकलमधील मोबाइलचोरीला आवर घालण्याचे मोठे आव्हान , रेल्वे सुरक्षा दल आणि रेल्वे प्रशासनासमोर असणार आहे. मुंबई लोहमार्ग पोलिस आयुक्तालयाच्या हद्दीत, जानेवारी ते एप्रिल २०२१ या काळात मोबाइलचोरीच्या १२३३ घटनांची नोंद झाली असून यापैकी १८ टक्के अर्थात, २२२ प्रकरणांची छडा लावण्यात आला आहे. यात एकूण २४१ मोबाइलचोरांना बेड्या ठोकण्यात आल्या. २०२० मध्ये अशा प्रकरणांचा उलगडा करण्याचे प्रमाण हे १९ टक्के, २०१९ मध्ये १३ टक्के आणि २०१८ मध्ये ९ टक्के होते. मुंबई रेल्वे स्थानकांचा आवाका मोठा आहे. त्या तुलनेने रेल्वे पोलिसांची संख्या मर्यादित आहे. रेल्वे स्थानकांतील चोरवाटांमुळे चोरांचे फावते. अशा स्थितीतदेखील सर्वच प्रकरणांचा वेगाने छडा लावण्याचे काम रेल्वे पोलिसांकडून करण्यात येते, असे रेल्वे पोलिसांनी सांगितले. गेल्या काही वर्षातील मोबाइलचोरीचे आकडे लक्षात घेतले असता या घटनांमध्ये सातत्याने घट होत असल्याचे दिसते. मोबाइलचोरी रोखण्यासाठी रेल्वे सुरक्षा दलाकडून पूर्ण प्रयत्न करण्यात येत आहेत, असे रेल्वे सुरक्षा दलाचे विभागीय सुरक्षा आयुक्त जितेंद्रकुमार श्रीवास्तव यांनी सांगितले. रेल्वे प्रवासी संघटना आक्रमक मोबाइलचोराशी झालेल्या झटापटीत कळवा स्थानकात लोकलखाली येऊन ३५ वर्षीय विद्या पाटील यांना जीव गमवावा लागल्याची घटना नुकतीच घडली होती. विद्या यांना ७ महिन्यांच्या चिमुकलीसह तीन मुली आहेत. या प्रकरणामुळे रेल्वे प्रवासी संघटना आक्रमक झाल्या असून रेल्वे स्थानकांवर २४ तास गस्त ठेवावी, अशी मागणी त्यांनी मध्य रेल्वेचे विभागीय रेल्वे व्यवस्थापक शलभ गोयल यांची भेट घेऊन केली आहे. मोबाइलचोरीचा आढावा वर्ष गुन्हे नोंद उकल अटक आरोपी २०२१ १२३३-२२२-२४१ २०२०- ५०८५-९७९-८२० २०१९- २३९३९-३२०३-२३९८ २०१८- ३२३६४-३१७१-१९५१

from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/2TD5KoZ