: टोकियो : रशियाच्या डॅनियल मेदवेदेवने चालू सामन्यात पंचांना अवघड प्रश्न विचारल्याने खळबळ माजली. इटलीच्या फॅबिओ फोगनिनीविरुद्धच्या सामन्यादरम्यान जर त्याचा मृत्यू झाला, तर तुम्ही जबाबदार आहात का, असा प्रश्न मेदवेदेवने पंचांना विचारला. टेनिसमध्ये सुवर्णपदकाचा दावेदार मानल्या जाणाऱ्या मेदवेदेवने सामन्यात दोन वेळा मेडिकल टाईमआउट घेतला. एकदा त्याच्या प्रशिक्षकांना कोर्टवर धाव घ्यावी लागली. आरिया येथील टेनिस पार्कमध्ये बुधवारी (28 जुलै) मेदवेदेवला उष्णतेने हैराण केले होते. त्याला पाहून खुर्चीवर बसलेल्या कार्लोस रामोस या पंचांनी त्याला खेळ सुरू ठेवणार आहे का अशी विचारणा केली, तेव्हा मेदवेदेव म्हणाला की, मी सामना संपवू इच्छितो पण जर मी मेलो तर त्याला तुम्ही जबाबदार आहात का? पुरुष एकेरीच्या सामन्यात मेदवेदेवचा सामना फोगनिनीविरुद्ध होता. यावेळी त्याला प्रचंड उष्णता आणि उकाड्याचा सामना करावा लागला. त्यामुळे ही गरमा-गर्मी झाल्याचे काही जणांचे म्हणणे होते. पण जेव्हा ही गोष्ट घडली त्यावेळी नेमकं काय घडलं आहे, हे कोणालाच कळत नव्हतं. पण काही वेळाने या सर्व गोष्टीचा खुलासा क्रीडा चाहत्यांना झाला. त्यावेळी चाहत्यांनाही धक्का बसला होता. आयोजकांवर प्रश्नाचा भडीमार द्वितीय मानांकित मेदवेदेवने फोगनिनीला 6-2, 3-6, 6-2 असे पराभूत करत उपांत्यपूर्व फेरी गाठली. यातून सावरण्यात मेदवेदेवला वेळ लागेल. मेदवेदेव आणि नोव्हाक जोकोविचसारख्या खेळाडूंचे सामने सायंकाळी घेण्याबाबतच्या मागणीकडे आयोजकांनी का दुर्लक्ष केले, याबाबत आयोजकांवर प्रश्नांचा भडीमार केला जात आहे. दरम्यान, सकाळी पाऊस पडल्याने सामना सुरू होण्यास उशीर झाला. तोपर्यंत तापमानाने 31 डिग्री सेल्सिअसचा आकडा गाठला होता. पण 37 डिग्री तापमान असल्यासारखे ऊन तापदायक वाटत होते. मेदवेदेव आणि फोगनिनीला दुसऱ्या आणि तिसऱ्या सेटमध्ये नियमांनुसार 10 मिनिटांसाठी कोर्ट सोडण्याची परवानगी देण्यात आली होती. जर्मनीच्या डॉमनिक कोएफरचा 7-6, 6-3 असा पराभव करणाऱ्या स्पेनच्या सहाव्या मानांकित पाब्लो कॅरेनो बुस्टाशी मेदवेदेवचा सामना होणार आहे.
from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/3lkwLcL
No comments:
Post a Comment