डेहराडूनः तीरथ सिंह रावत यांनी घटनात्मक पेचामुळे मुख्यमंत्रीपदाचा ( ) राजीनामा दिला. केंद्रीय मंत्री नरेंद्र सिंह तोमर हे पर्यवेक्षक म्हणून डेहराडूनला जाणार आहेत. उत्तराखंडमधील भाजपच्या आमदारांची शनिवारी दुपारी ३ वाजता बैठक बोलावण्यात आली आहे. तीरथ सिंह रावत यांच्या राजीनाम्यावर काँग्रेसचे नेते हरिश रावत ( ) यांनी भाजपवर निशाणा साधला आहे. उत्तराखंडचे माजी मुख्यमंत्री आणि काँग्रेसचे वरिष्ठ नेते हरिश रावत यांनी भाजपवर टीका केली आहे. भाजपला कायद्याची जाण नसल्याने आणि झगमगाटात राहिल्याने आता राज्यावर आणखी एक मुख्यमंत्री लादला जाणार आहे. म्हणजेच ५ वर्षात भाजप उत्तराखंडला ३ मुख्यमंत्री देत आहे, असं रावत म्हणाले. हरिश रावत यांनी यासंदर्भात ट्वीट केलं आहे. करोना संकटामुळे उत्तराखंडमध्ये पोटनिवडणुका होऊ शकत नाही. घटनात्मक पेचामुळे मुख्यमंत्र्याना राजीनामा द्यावा लागला आहे. हा सर्वात मोठा खोटारडेपणा आहे. खरंतर करोनाच्या संकटातही आधी पोटनिवडणुका झाल्या. सल्टमध्ये पोटनिवडणूक झाली. मुख्यमंत्री तिथून निवडणूक लढवू शकत होते. किंवा इतर कुठल्याजागेवरील आमदाराला राजीनामा देण्यास सांगून तिथूनही निवडणूक लढवू शकत होते, असं हरिश रावत म्हणाले. त्यांनी यासंदर्भात ट्वीट केलं आहे. नवीन मुख्यमंत्री कोण होणार? ४ नेत्यांची नावं शर्यतीत तीरथ सिंह रावत यांच्या राजीनाम्यानंतर उत्तरखंडचे नवे मुख्यमंत्री कोण होणार? यावर जोरदार चर्चा सुरू झाली आहे. भाजपमधील आमदारांपैकी एक मुख्यमंत्री होणार आहे. मुख्यमंत्रीपदाच्या शर्यतीत मंत्री धन सिंह रावत, बंशीधर भगत, हरक सिंह रावत आणि सतपाल महाराज यांची नावं आघाडीवर आहेत.
from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/2V1JxSe
No comments:
Post a Comment