मुंबईः काँग्रेसबरोबर मतभेद असले तरी महात्मा गांधी आणि पंडित नेहरू यांच्या विचारधारेशी राष्ट्रवादी काँग्रेस बांधील आहे, असे मत राष्ट्रवादी काँग्रेसचे सर्वेसर्वा यांनी म्हटले आहे. एका पोर्टलला दिलेल्या मुलाखतीत ते म्हणाले, 'राष्ट्रवादी काँग्रेसबरोबरच शिवसेनेशी हातमिळवणी करण्याचा अंतिम निर्णय सोनिया गांधी यांनी घेतला. यांना मी ते लहान असल्यापासून पाहात आहे. शिवसेनेचा कारभार पाहायला त्यांनी सुरूवात केली त्या वेळी ते बाळासाहेब ठाकरे यांच्या मार्गदर्शनानुसार चालत होते; पण जेव्हा त्यांच्यावर पक्षाची जबाबदारी येऊन पडली त्या वेळी त्यांच्या क्षमतांबद्दल बोलले गेले. मुंबई महापालिकेत जेव्हा शिवसेनेने विजय मिळवला त्या वेळी उद्धव ठाकरे हे मृदूभाषी असले तरी त्यांच्यात क्षमता आहे, हे स्पष्ट झाले. उद्धव ठाकरे यांच्या नेतृत्वात शिवसेना वाढली. शिवसेना काँग्रेसशी कधीही कट्टरविरोधी नव्हती. बाळासाहेब ठाकरे यांनी आणीबाणीला पाठिंबा दिला होता. आणीबाणीनंतरही निवडणुकीत शिवसेनेने काँग्रेसविरुद्ध उमेदवार दिला नव्हता. २०१९मध्ये जेव्हा भाजप व शिवसेना यांच्यात मतभेद झाले त्या वेळी आम्हाला शिवसेनेशी बोलण्याची गरज असल्याचे वाटले. संजय राऊत यांनी त्यासाठी पुढाकार घेतला. सोनिया गांधी यांनी अन्य नेत्यांशी बोलून अंतिम निर्णय घेतला. राहुल गांधी या निर्णयात सहभागी नव्हते. सोनिया गांधी यांनीच अंतिम निर्णय घेतला.’ काँग्रेसबाबत ते म्हणाले, काँग्रेस आणि राष्ट्रवादी काँग्रेसमध्ये फक्त कार्यपद्धतीवरून मतभेद आहेत. राष्ट्रवादी काँग्रेस महात्मा गांधी आणि पंडित नेहरू यांच्या विचारधारेशी बांधील आहे.
from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/2X7TFKI
No comments:
Post a Comment