म. टा. विशेष प्रतिनिधी, मुंबई आल्यास रुग्णसंख्या आटोक्यात राहावी यासाठी सील करण्यात येणाऱ्या इमारतींमधील रहिवाशांची आरटी-पीसीआर चाचणी करण्याचा निर्णय घेण्यात आला आहे. मात्र ही चाचणी ऐच्छिक असेल, त्यात कोणत्याही प्रकारची सक्ती करण्यात येणार नाही असेही प्रशासनाने स्पष्ट केले आहे. अधिकाधिक रहिवाशांनी ही आरटी-पीसीआर चाचणी करून घ्यावी, असे आवाहन पालिकेच्या आरोग्य विभागाने केले आहे. मुंबईमध्ये आत्तापर्यंत ४३ इमारती सील करण्यात आल्या आहेत. झोपडपट्ट्या आणि चाळींमध्ये संसर्ग कमी असून प्रतिबंधात्मक क्षेत्रांतर्गत इमारतींची अधिक प्रमाणात सील करण्यात आल्या आहेत. या इमारतीमधील करोनाबाधित रुग्णांवर तातडीने वैद्यकीय उपचार सुरू करण्यात येतील. मात्र ज्या व्यक्ती लिफ्ट तसेच, इमारतीच्या अन्य परिसरामध्ये जातात, त्यांनाही बाधित रुग्णांकडून संसर्ग होण्याची शक्यता नाकारता येत नसल्याने त्यांच्याही चाचण्या कराव्यात असे ठरवण्यात आले आहे. पालिकेचे अतिरिक्त आयुक्त सुरेश काकाणी यांनी ही माहिती दिली. त्यामुळे योग्यवेळी व अधिक जलद निदान होण्यास मदत होईल, असा विश्वास त्यांनी व्यक्त केला. डेल्टामुळे संसर्ग वाढण्याची शक्यता या चाचण्या करून घेण्याचे अधिकार सोसायटीस दिलेले नाहीत. तर पालिका प्रशासनच या चाचण्या विनाशुल्क करणार आहे. त्यामुळे पालिकेने आत्तापर्यंत केलेल्या २६६ केंद्रांमध्ये जाऊन संबंधित नागरिकांना आर-टीपीसीआर चाचण्या करून घेता येत आहेत. 'पावसाळी आजारांची संख्याही मुंबईमध्ये वाढती आहे. त्यामुळे ताप आल्यानंतर हा ताप पावसाळी आजारांचा आहे की करोनाचा याचे निदान तातडीने होणे गरजेचे आहे. प्रत्यक्षात आरटी-पीसीआर चाचण्या करण्याची संख्या घटली आहे. तिसऱ्या लाटेमध्ये डेल्टा स्वरूपाच्या विषाणूचा संसर्ग होण्याची शक्यता नाकारता येत नाही त्यामुळे या विषाणूची संसर्गक्षमता लक्षात घेता त्याला रोखण्यासाठी संसर्ग झालेल्या रुग्णांच्या चाचण्या करण्यासह त्यांच्या संपर्कातील व्यक्तींच्याही चाचण्या करणे गरजेचे आहे,' याकडे संसर्गजन्य आजाराचे तज्ज्ञ डॉ. आनंद शां. पवार यांनी लक्ष वेधले. अशी आहे स्थिती मुंबईमध्ये लक्षणे नसलेल्या पॉझिटिव्ह रुग्णांची संख्या २,०४२ असून लक्षणे असलेले करोनारुग्ण २,१०५ नोंदविण्यात आले आहेत. आत्तापर्यंत ३५,८५१ चाचण्या करण्यात आल्या आहेत. मुंबईचा रुग्णसंख्येच्या दुपटीचा कालावधी हा १,१८५ दिवसांवर पोहोचला आहे. करोनारुग्णांच्या संपर्कात आलेल्यांची संख्या १,९८० आहे. के पश्चिम विभागात ९ इमारती प्रतिबंधित केल्या आहेत. तर एफ दक्षिणमध्ये ७, डी विभागात ६ आणि एम पूर्व विभागात ४ इमारती सील आहेत.
from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/3tB1rIs
No comments:
Post a Comment