गुवाहाटीः पेट्रोल आणि डिझेलच्या वाढत्या दरावर पेट्रोलियम राज्यमंत्री यांच्या वक्तव्याने भडका उडण्याची शक्यता आहे. करोनावरील लस मोफत देण्यात आली आहे आणि यासाठी पैसे कुठून येणार? तुम्ही मोफत लसीसाठी पैसे दिले नाहीत. यामुळे लसीसाठीचा निधी असाच गोळा केला गेला, असं रामेश्वर तेली म्हणाले. रामेश्वर तेली यांचं हे वक्तव्य ९ ऑक्टोबरचं आहे. ते आसाममध्ये बोलले होते. इंधनाचे दर अधिक नाहीत. त्यात कराचाही समावेश आहे. तुम्ही मोफत लस घेतलीच असेल. पण यासाठी पैसा कुठून येणार? तुम्ही पैसे दिले नाहीत, यामुळे त्यासाठी अशाच प्रकारे निधी जमा केला गेला, असं केंद्रीय मंत्री रामेश्वर तेली म्हणाले. सलग सातव्या दिवशी पेट्रोल-डिझेल महागले कच्च्या तेलाच्या महागाईचा भार ग्राहकांवर लादणाऱ्या पेट्रोलियम कंपन्यांनी दरवाढीचा सपाटा सलग सातव्या दिवशी कायम ठेवला. कंपन्यांनी ६ ऑक्टोबरपासून इंधनाचे दर वाढवण्यास सुरवात केली आहे. आज सोमवारी देशभरात पेट्रोल ३० पैसे आणि डिझेल ३५ पैशांनी महागले. आजच्या दरवाढीनंतर मुंबईत आज एक लीटर पेट्रोलचा भाव ११०.३८ रुपयांपर्यंत वाढला. दिल्लीत पेट्रोल १०४.४४ रुपये झाले आहे. चेन्नईत पेट्रोलचा भाव १०१.७६ रुपये इतका वाढला आहे. कोलकात्यात एक लीटर पेट्रोल १०५.०५ रुपये झाला आहे. भोपाळमध्ये साध्या पेट्रोलचा भाव ११२.९६ रुपयांपर्यंत वाढला आहे. बंगळुरात पेट्रोल १०८.०४ रुपये झाले आहे.
from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/3Bywgks
No comments:
Post a Comment