मुंबईकरांनी करुन दाखवलं! मिळाला मोठा दिलासा https://ift.tt/3chshOg

म. टा. विशेष प्रतिनिधी, मुंबईत लशींच्या मात्रेचा पहिला टप्पा १०० टक्के पूर्ण झाला असून, दुसरी मात्रा घेणाऱ्यांच्या संख्येतही वाढ होत आहे. या पार्श्वभूमीवर, मुंबईतील करोना रुग्ण संख्या झपाट्याने घटत आहे. सध्या संपूर्ण शहरात २,८२३ उपचाराधीन रुग्ण असून, करोना रुग्णांसाठी २३ हजार खाटा उपलब्ध आहेत. तर रुग्णालयांत उपचार घेणाऱ्या रुग्णांची संख्या सध्या १,५००पर्यंत खाली आली आहे. करोनाचा प्रादूर्भाव आणि दैनंदिन पातळीवर रुग्णसंख्या कमी होत असल्याने मुंबईकरांना हा मोठा दिलासा ठरत आहे. मुंबईत सोमवारी नवीन करोना रुग्णसंख्या १८२ नोंदवली गेली आहे. मुंबईत पहिल्या आणि दुसऱ्या लाटेत रुग्णसंख्या वाढल्याने पालिकेच्या नियमित करोना केंद्रांसह जम्बो केंद्रांवर मोठा ताण आला होता. मात्र, गेल्या काही महिन्यांपासून करोना रुग्णसंख्या कमी होत चालली आहे. त्यामुळे जम्बो करोना केंद्रांतील रुग्णसंख्याही कमी झाली आहे. सध्या पाच जम्बो करोना केंद्रांमध्ये ६ हजार खाटा उपलब्ध आहेत. तर तेथे केवळ ३०० रुग्ण उपचार घेत आहेत. शहरात उपचाराधीन रुग्ण २,८२३ असून, त्यापैकी १,५२४ रुग्णांमध्ये करोनाची लक्षणे आढळलेली नाहीत. ७ लाख ३७ हजार करोनामुक्त मुंबईत करोनाच्या दोन लाटांमध्ये १५ नोव्हेंबरपर्यंत करोना रुग्णांची एकूण संख्या ७ लाख ५९ हजार ५९३ एवढी होती. त्यात १६,२९२ रुग्णांचा मृत्यू ओढवला आहे. मात्र ७ लाख ३७ हजार ९३० जणांनी करोनावर मात केली आहे. मुंबईत सध्या रुग्ण बरे होण्याचा दर ९५ टक्के झाला आहे. एकूणच करोना रुग्णसंख्या घटत चालली असल्याचे निरीक्षण अतिरिक्त पालिका आयुक्त सुरेश काकाणी यांनी नोंदविले आहे. जम्बो करोना केंद्रातील रुग्णसंख्या सेव्हन हिल्स, अंधेरी : १०० जम्बो केंद्र, मुलुंड : १९ एनएससीआय, वरळी : १५ नेस्को, गोरेगाव : १३ बीकेसी : ६ रिचर्डसन अँड क्रुडास, भायखळा : २० मुंबईतील रुग्णांचा आढावा उपचाराधीन रुग्ण : २,८२३ लक्षणे असलेले रुग्ण : १,०४१ लक्षणे नसलेले रुग्ण : १,५२४ अत्यवस्थ रुग्ण : २५८ रुग्णदुपटीचा कालावधी : २०१० दिवस

from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/3kBYwMn