पाकिस्तानकडून अजून खेळलो असतो तर व्हिलचेअरवर असतो; शोएब असं का म्हणाला, पाहा व्हिडिओ https://ift.tt/05wdLCv

नवी दिल्ली : पाकिस्तानचचा माजी वेगवान गोलंदाज शोएब अख्तर हा सध्या हॉस्पिटलमध्ये दाखल झाला आहे. पण हॉस्पिटलमध्ये आता त्याला ओळखणंही कठीण दिसत आहे. पण त्याचवेळी शोएबचा एक व्हिडीओ चांगलाच व्हायरल झाला आहे. या व्हिडिओमध्ये त्याने चाहत्यांना खास विनंती केली आहे. शोएबने इंस्टाग्रामवर एक व्हिडिओ पोस्ट केला आहे, त्यामध्ये शोएब म्हणाला की, " माझ्या दोन्ही गुडघ्यांवर शस्त्रक्रीया करण्यात आली. या दोन्ही शस्त्रक्रीयांसाठी ५-६ तासांचा अवधी लागला. मी संकटात आहे, फक्त तुमच्या प्रार्थनांची गरज आहे. मला आशा आहे की ही, माझी शेवटची शस्त्रक्रिया असावी. पण तरीही मला वेदना होत आहेत. निवृत्तीच्या ११ वर्षानंतरही मला प्रचंड वेदना होत आहेत. मी आणखी ४-५ वर्षे क्रिकेट खेळू शकलो असतो. पण, मला माहीत होतं की मी व्हीलचेअरवर बसलो असतो. त्यामुळेच मी क्रिकेट सोडले. पाकिस्तानकडून खेळणे ही अभिमानाची बाब आहे. वेगवान गोलंदाजांसोबत असे घडते, पण पाकिस्तानसाठी काहीही फरक पडत नाही. मला पुन्हा संधी मिळाली तर मी पुन्हा पाकिस्तानसाठी नक्कीच खेळेन." शोएब हा जेव्हा मैदानात उतरायचा तेव्हा फलंदाज त्याच्या गोलंदाजीला घाबरायचे. पण सध्याच्या घडीला शोएबची अवस्था पाहिली तर तो एक खेळाडू होता, असे वाटणार नाही. वेगवान गोलंदाजी करण्यासाठी बराच व्यायाम करावा लागलो. त्याचबरोबर धावण्याचा परीणाम हा गुडघ्यावर होत असतो. शोएबची यावेळी दोन्ही गुडघ्यांची शस्त्रक्रीया करण्यात आली. त्यानंतर शोएबने आपला एक व्हिडिओ बनवला आणि तो इंस्टाग्रामवर पोस्ट केला आहे. त्याचबरोबर यावेळी आपण संकटात असल्याचे त्याने म्हटले आहे आणि चाहत्यांना आपली तब्येत बरी व्हावी, यासाठी प्रार्थनाही करण्यासाठी सांगितले आहे. क्रिकेट सोडल्यावर शोएबवर काही शस्त्रक्रीया झाल्या आणि या सर्व गोष्टीचे त्याच्या शरीराला नुकसानही झाले आहे. त्यामुळे आता शोएब थकला असून आपली ही शेवटची शस्त्रक्रीया ठरावी, असे त्याने म्हटले आहे. शोएबने आंतरराष्ट्रीय क्रिकेटमध्ये आपला दबदबा निर्माण केला होता. शोएबने २२४ आंतरराष्ट्रीय सामन्यांमध्ये पाकिस्तानचे प्रतिनिधित्व केले होते. आणि त्याच्या नावावर ४४४ आंतरराष्ट्रीय विकेट्स आहेत. आंतरराष्ट्रीय क्रिकेटमध्ये सर्वात वेगवान चेंडू टाकण्याचा विक्रम शोएब अख्तरच्या नावावर आहे. शोएब अख्तरने न्यूझीलंडविरुद्ध १६१.३ किमी प्रतितास वेगाने गोलंदाजी करून विक्रम केला होता. त्यानंतर फलंदाज शोएबचा सामना करायला घाबरायचे, असे म्हटले जायचे. पण भारताविरुद्ध मात्र तो जास्त यशस्वी ठरला नाही.

from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/JaL2vdo