चेन्नई: आयपीएल २०२३ चा ५५ वा सामना चेन्नईच्या चेपॉक स्टेडियमवर चेन्नई सुपर किंग्ज आणि दिल्ली कॅपिटल्स यांच्यात खेळला गेला. या सामन्यापूर्वी चेन्नई सुपर किंग्जचा कर्णधार महेंद्रसिंग धोनी आपल्या संघाचा गोलंदाज दीपक चहरची काहीशी मजा घेताना दिसला होता. हा त्याचा व्हिडिओ सध्या व्हायरल झाला आहे.माहीने दीपक चहरला मैदानात घाबरवलेखरं तर, चार वेळा आयपीएल चॅम्पियन चेन्नई सुपर किंग्जचा कर्णधार महेंद्रसिंग धोनी दिल्ली कॅपिटल्सविरुद्ध नाणेफेक केल्यानंतर आपल्या संघाच्या दिशेने जात होता. वाटेत तो चेन्नईचा सहकारी वेगवान गोलंदाज दीपक चहरशी संवाद साधताना दिसला. चहर आणि धोनीची नजरानजरही झाली. अशा स्थितीत धोनीला लगेच गंमत सूचली. दीपकला घाबरवण्यासाठी त्याने त्याला एक चापट मारण्याची अ‍ॅक्शन केली. धोनीने दीपक चेहऱ्याजवळून जलदगतीने आपला हात काढून घेतला. चहरला याची अजिबात अपेक्षा नव्हती असे दिसत होते, त्यामुळे तो घाबरला. अशा स्थितीत धोनीची योजनाही यशस्वी ठरली. यासोबतच आता हा व्हिडिओ सोशल मीडियावर मोठ्या प्रमाणात व्हायरल होत आहे. दिल्लीविरुद्ध नाणेफेक जिंकल्यानंतर माहीने प्रथम गोलंदाजी करण्याचा निर्णय घेतला होता. दिल्लीसमोर चेन्नईची टॉप ऑर्डर रचलीदिल्ली कॅपिटल्सच्या गोलंदाजांसमोर चेन्नई सुपर किंग्जची टॉप ऑर्डर पूर्णपणे फ्लॉप झाली. दिल्लीच्या गोलंदाजांनी त्याला आपल्या नेटमध्ये रोखले. ऋतुराज गायकवाड ते अंबाती रायुडूपर्यंत सगळेच मोठे डाव खेळण्यात अपयशी ठरले. मात्र, यादरम्यान स्फोटक मधल्या फळीतील फलंदाज शिवम दुबेने या अवघड विकेटवर तुफानी खेळी केली. त्याने १२ चेंडूत ३ षटकारांच्या मदतीने २५ धावा केल्या. दिल्ली कॅपिटल्सला प्लेऑफच्या शर्यतीत टिकायचे असेल तर त्यांना या सामन्यात चेन्नईला कोणत्याही परिस्थितीत पराभूत करायला हवे होते. मात्र दिल्लीने हा सामना गमावला.
from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/vyYl9aT
No comments:
Post a Comment