Assembly Elections 2023: आजपासून रणधुमाळीस प्रारंभ; पहिल्या टप्प्यात छत्तीसगड, मिझोरममध्ये होणार मतदान https://ift.tt/tzwkF9W

म. टा. विशेष प्रतिनिधी, रायपूर : लोकसभा निवडणुकीची रंगीत तालीम म्हणून पाहिल्या जात असलेल्या पाच राज्यांतील विधानसभा निवडणुकांच्या रणधुमाळीला आजपासून सुरुवात होत आहे. पहिल्या टप्प्यात छत्तीसगड आणि मिझोराममध्ये आज, मंगळवारी मतदान होणार आहे. छत्तीसगडमधील ९० पैकी २० जागांवर मतदान होणार असून माओवाद्यांचा प्रभाव असलेल्या बस्तरमधील १२ आणि दुर्ग विभाातील आठ अशा विधानसभेच्या २० जागांवर मतदानप्रक्रिया यशस्वी पार पाडण्यासाठी मतदान अधिकारी आणि कर्मचाऱ्यांची रवानगी झाली आहे. राज्यातील १२६ अतिसंवेदनशील मतदान केंद्रावर प्रथमच मतदान होत आहे. तेथे ‘एमआय-१७’ या हेलिकॉप्टरच्या मदतीने मतदान साहित्य पोहोचविण्यात आले आहे. बस्तर विभागातील दहा जागांवरील दुर्गम भागात सकाळी सात ते दुपारी तीन वाजेपर्यंत मतदान होईल. माओवाद्यांनी मतदानावर बहिष्कार टाकण्याचे आवाहन केल्याने सुरक्षा दलांनी सुमारे ६० हजार जवान सुरक्षितेसाठी तैनात केले आहेत.२३३ उमेदवार रिंगणातछत्तीसगडमधील नक्षलग्रस्त व संवेदनशील अशा २० जागांवर २२३ उमेदवार रिंगणात आहेत. तेथे काँग्रेस आणि भाजप यांच्यात थेट लढत होत आहे. माओवाद्यांनी आदिवासींना मतदानावर बहिष्काराचे पत्रक वाटले आहे, तर दोन दिवसापूर्वीच नारायणपूरमध्ये भाजपच्या जिल्हा उपाध्यक्ष रतन दुबे यांची गोळ्या घालून हत्या केली. त्यामुळे सुरक्षेच्या दृष्टीने अनेक उपाय करण्यात आले आहेत. राजकीय पक्षांच्या मतदान प्रतिनिधींसह मतदान अधिकारी, कर्मचारी आणि ईव्हीएम हे थेट हेलिकॉप्टरद्वारे मतदानकेंद्रापर्यंत पोहचवले जात आहेत. मतदान शांततेत पार पडेल, असा दावा अधिकाऱ्यांकडून केला जात आहे.माओवाद्यांच्या प्रभावातील भागातील सहाशेहून अधिक मतदान केंद्रांना त्रिस्तरीय सुरक्षा देण्यात आली आहे. निवडणूक आयोगाच्या निकषांनुसार इतर मतदान केंद्रांवर केंद्रीय निमलष्करी दल आणि स्थानिक पोलिसांची सुरक्षा व्यवस्था असेल.- पी. सुंदरराज, पोलिस महानिरीक्षक, बस्तरया जागांवर मतदानबस्तर, जगदलपूर, नारायणपूर, कांकेर, कोंडागाव, केशकाल, दंतेवाडा, अंतागड, भानुप्रतापपूर, कोटा, चित्रकोट, विजापूर, मानपूर-मोहल्ला, खुज्जी, पंडारिया, खैरागड, राजनांदगाव, डोंगरगड, डोंगरगाव, कवर्धा.- एकूण जागा : ९०- पहिल्या टप्प्यात : २० जागांवर ७ नोव्हेंबरला मतदान- एकूण उमेदवार - २२३- आदिवासी क्षेत्र : बस्तर, दुर्ग विभाग- एकूण बूथ : ५ हजार ३०४- एकूण मतदार : ४० लाख ७८ हजार ६८१- तृतीयपंथी मतदान : ६९- तैनात सुरक्षा जवान : ६० हजार मतदानापूर्वी स्फोट; जवानासह तीन जखमीरायपूर : छत्तीसगड विधानसभा निवडणुकीच्या पहिल्या टप्प्यातील मतदानापूर्वी नक्षलवाद्यांनी कांकेर जिल्ह्यातील छोटेबेठियाजवळ केलेल्या ‘आयईडी’ स्फोटात एका जवानासह तीन जण जखमी झाले. ‘बीएसएफ’चे जवान दोन मतदान प्रतिनिधींना मारबेडाहून रेंगाघाटी रेंगागोंदी मतदान केंद्रावर जात होते. त्यांच्या वाहनाजवळ नक्षलवाद्यांनी ‘आयईडी’ स्फोट घडविला. यात बीएसएफ जवान चंद्रप्रकाश सेवकसह दोन जण जखमी झाले. जखमींवर छोटेबेठिया येथे उपचार केले जात आहेत.मिझोराममध्ये आज मतदाननवी दिल्ली : मिझोराममध्ये आज, (सात नोव्हेंबर) मंगळवारी विधानसभा निवडणुकीसाठी मतदान होत असून, त्याची मतमोजणी तीन डिसेंबर रोजी होणार आहे. निवडणुकीच्या रिंगणात एकूण १७४ उमेदवार आहेत. मिझोरामच्या मुख्य निवडणूक अधिकाऱ्यांनी दिलेल्या माहितीनुसार, मिझोराममधील एकूण मतदार संख्या आठ लाख ५१ हजार ८९५ आहे. यातील १८-१९ वयोगटातील ५० हजार ६११ मतदार प्रथमच मतदान करणार आहेत. मिझोराममध्ये एकूण १२७६ मतदान केंद्रे असून, त्यापैकी ५२५ शहरी भागात आणि ७५१ ग्रामीण भागात आहेत. येथे प्रामुख्याने मिझो नॅशनल फ्रंट, झोरम पीपल्स मुव्हमेंट आणि काँग्रेस पक्षांत लढत होणार आहे. भाजप सध्या २३ जागांवर निवडणूक लढवत असून, २०१८च्या निवडणुकीत भाजपने ३९ जागा लढवल्या होत्या.

from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/BFuCQ5A