गुगलवरुन पीएमपी गुल, लाइव्ह लोकेशन यंत्रणेला ब्रेक लागल्याने प्रवाशांचा मनस्ताप वाढला https://ift.tt/v9pm2ih

म. टा. प्रतिनिधी, पुणे: ‘पुणे महानगर परिवहन महामंडळा’च्या (पीएमपी) बसचे ‘लोकेशन’ प्रवाशांना ‘गुगल’वर ‘रिअल टाइम’ दिसण्याची यंत्रणा सुरू करण्याला पुन्हा ‘ब्रेक’ लागला आहे. त्यामुळे ‘पीएमपी’च्या बसचे दीड वर्षांपासून ‘गुगल लोकेशन’ सापडेना झाले आहे. ‘गुगल’ आणि ‘पीएमपी’ यांच्यात बैठक झाल्यानंतर डिसेंबरपर्यंत निम्म्या बस ‘गुगल’वर ‘रिअल टाइम’ अवतीर्ण होणार होत्या. अद्याप एकही बस ‘गुगल’वर दिसत नसल्याचा फटका प्रवाशांना बसत आहे.गेल्या वर्षी ‘गुगल’शी करारपुणे आणि पिंपरी-चिंचवडसाठी महत्त्वाची सार्वजनिक वाहतूक व्यवस्था म्हणून ‘पीएमपी’कडे पाहिले जाते. ‘पीएमपी’कडून १६५० बसमार्फत ३७१ मार्गांवर सेवा दिली जाते. दररोज साधारणत: दहा ते बारा लाख प्रवासी प्रवास करतात. वेळेत बस येत नाही, बस स्थानकावर बस थांबत नाही अशा तक्रारी प्रवाशांकडून नेहमी येत होत्या. त्यामुळे ‘पीएमपी’ने बसचे लोकेशन ‘रिअल टाइम’ दिसावे, यासाठी ‘गुगल’सोबत २०२२मध्ये करार केला.करारावर ‘संक्रांत’?‘गुगल’वर बसचे लोकेशन दिसावे, यासाठी सर्व प्रकारचा डेटा गोळा करण्याचे काम सुरू होते. ही सेवा सुरू करण्यासाठी आवश्यक ‘आयटीएमएस’ सिस्टम, बसथांब्याचे लोकेशन दाखविणारी यंत्रणा (लॅटलॉग) आदींवर काम सुरू होते. ही सेवा सुरू होण्यास विलंब होत असल्यामुळे ‘गुगल’ आणि ‘पीएमपी’ यांच्यातील करार रद्द करण्याची वेळ आली होती.सिंह यांच्या काळात वेग‘पीएमपी’चे अध्यक्ष म्हणून सचिंद्र प्रताप सिंह यांनी पदभार घेतल्यानंतर ‘पीएमपी’च्या बस ‘गुगल’वर दिसाव्यात यासाठी पुन्हा प्रयत्न सुरू करण्यात आले. त्यासाठी ‘गुगल’सोबत सतत बैठका सुरू केल्या. बस ‘गुगल’वर लाइव्ह दिसाव्यात यासाठी सर्व तांत्रिक गोष्टींची चाचपणीही करण्यात आली. पहिल्या टप्प्यात सप्टेंबरमध्ये २० बसमध्ये ‘गुगल लाइव्ह’ची चाचणी घेण्यात आली होती. त्यानंतर टप्प्याटप्प्याने ‘पीएमपी’ने ११०० बस ‘गुगल’वर ‘लाइव्ह’ दिसतील, असे काम सुरू करण्यात आले.अन् ‘लोकेशन’ हरवलेप्रकल्पाने वेग पडकल्यानंतर सिंह यांची ऑक्टोबरमध्ये बदली झाली. त्यानंतर पुन्हा ‘पीएमपी’चे ‘गुगल लोकेशन’ हरवल्याचे दिसून आले. डिसेंबर उजाडला, तरी ही सेवा प्रायोगिक तत्त्वावरही सुरू झालेली नाही. त्यामुळे नवीन वर्षात तरी ‘पीएमपी’च्या बस ‘गुगल’वर दिसणार का, असा प्रश्न उपस्थित झाला आहे.नेमकी यंत्रणा कशी?सध्या बस कुठे आहे, माझ्या थांब्यावर बस किती वेळात येईल, संबंधित मार्गावर किती बस उपलब्ध आहेत आदी सर्व माहिती बसल्या जागी ‘गुगल लाइव्ह लोकेशन’वरून मिळणे शक्य होणार आहे. त्यासाठी ‘पीएमपी’कडून नवीन अॅप सुरू करण्यात येणार होते. त्यामुळे प्रवाशांचा वेळ वाचणार आहे.‘आयटीएमएस’ असलेल्या बस - एक हजार ३०पीएमपी धावणाऱ्या मार्गावरील दोन्हीकडील थांबे - ९,३४८पीएमपी धावत असलेले मार्ग - ३८९‘गुगल लोकेशन’वरील बसची प्रस्तावित संख्या - १,१००एखादा निर्णय झाल्यानंतर त्याची अंमलबजावणी करणे ही ‘पीएमपी’च्या अधिकारी आणि कर्मचाऱ्यांची जबाबदारी असते. अधिकारी बदलल्यानंतर योजना पुढे जात नाही. नवीन अधिकाऱ्यांनी पदभार घेतल्यानंतर माहिती घेऊन सुरू असलेल्या योजना पूर्ण करण्यासाठी प्रयत्न करावेत; पण तसे होताना दिसत नाही. ही एकप्रकारे प्रवाशांची फसवणूक आहे. पीएमपीच्या बस ‘गुगल’वर ‘लाइव्ह’ दिसणे हे प्रवाशांसाठी खूप महत्त्वाचे आहे. ही योजना तातडीने पूर्ण होण्याची गरज आहे. - संजय शितोळे, पीएमपी प्रवासी मंचRead Latest And

from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/7YuEBnA