नांदेड(अर्जुन राठोड): जिल्हात सलग दुसऱ्या दिवशी ही पावसाने जोरदार हजेरी लावली. दुसऱ्या दिवशी ९३ पैकी ४५ मंडळांमध्ये अतिवृष्टी झाली आहे. अतिवष्टीमुळे दोन लाख हेक्टरहुन अधिक शेतीचे नुकसान झाल्याचा प्राथमिक अंदाज आहे. गोदावरी नदीतही पाण्याचा येवा वाढल्याने विष्णुपुरी प्रकल्पाचे १४ दरवाजे उघडून नदीत पाण्याचा विसर्ग केला जातं आहे. यामुळे गोदावरी नदीला यंदा पहिल्यांदाच पुर आला आहे. दरम्यान जिल्ह्यात एक जन पुराच्या पाण्यात पाहून गेल्याची माहिती आहे. जिल्ह्यात रविवारी दिवसभर पाऊस सुरू होता. काल किनवट माहूर या तालुक्यामध्ये अधिक प्रमाणात पाऊस पडला, तर आज नांदेड शहर, अर्धापूर, हदगाव, देगलूर, मुखेड, कंधार, लोहा, नायगाव, या तालुक्यात मुसळधार पाऊस झाला. अर्धापूर तालुक्यात सर्वाधिक १७० मिलिमीटर पाऊस बारा तासात झाला आहे. तर नांदेड उत्तर आणि नांदेड दक्षिण दोन्ही भागात सरासरी १२५ मिलिमीटर पाऊस झाला आहे.त्यामुळे शहरात सखल भागामध्ये मोठ्या प्रमाणात पाणी साचले होते. दुपारी नांदेड शहराच्या अनेक भाग जलमय झाला होता.गोदावरी नदी काठावरील अनेक वस्त्यांमध्ये पाणी शिरले. वसरणी पंचवटीनगर साईबाबा कमान जवळ एका इमारतीमध्‍ये दुस-या मजल्‍यापर्यत पाणी गेले होते. या इमारतीमध्‍ये अडकलेल्‍या दोन व्यक्तिना बचाव पथकाने सुखरुप बाहेर काढले. या पावसाने जिल्ह्यातील २८ कच्च्या घरांचे अंशतः नुकसान केले असून सखल भागातील अनेक घरांमध्ये पाणी शिरले होते. जिल्ह्यातील अनेक नाल्यांना दुपारी पूर आल्यामुळे अनेक गावांचा संपर्क तुटला होता रात्री उशिरा पाऊस थांबल्यानंतर मात्र पूर ओसरला. दरम्यान जिल्ह्यात जनावरे मृत्युमुखी पडली असून काही प्रमाणात घरांचेही नुकसान झाले आहे. पाऊस थांबल्यास शेतीचे व जानमालाच्या नुकसानाचे पंचनामे सुरू होतील असे सुतोवाच जिल्हाधिकाऱ्यांनी केले आहे.तालुकानिहाय झालेला पाऊस नांदेड (१२६ मिली मीटर ), बिलोली (६०.३०), मुखेड ( ७४.८०), कंधार (६३.४०), लोहा (१३०.९०), हदगाव (८६.९०), भोकर (६१.२०), देगलूर (६७.६०), किनवट (३४.१०), मुदखेड (१३०.५०), हिमायतनगर (५४.३०), माहूर (२५.९०), धर्माबाद ( ४४.६०), उमरी (४८.५०), अर्धापूर (१४४.३०), नायगाव (६८.८०) मिली मीटर पाऊस पडला. गोदावरी धोक्याच्या पातळीकडे गोदावरी नदीची नांदेड शहरातील धोक्याची पातळी ३५४ मिटर आहे. संध्याकाळी ८ वाजता ही पातळी ३५२.७५ होती. या परिसरात सतर्कतेचा इशारा दिला आहे. बचाव पथक तैनात असून नागरिकांनी घाबरून न जाता प्रशासनाच्या संपर्कात राहण्याचे आवाहन करण्यात आले आहे. विष्णुपुरी प्रकल्पाचे १४ दरवाजे उघडण्यात आले आहे. अपर मानार ल‍िंबोटी धरणाची पंधरा पैकी ९ दरवाजे उघडलेले आहेत. लोअर मानार बारुळ धरणाला अॅटोमॅटीक गेट आहेत.त्यामुळे येणारा विसर्ग जशाला तसा पुढे जातो आहे. बळेगाव हाय लेव्‍हल बॅरेजचे एकूण १४ दरवाजे उघडलेले आहेत. आमदुरा हाय लेव्‍हल बॅरेजचे सर्व १६ दरवाजे उघडलेले आहेत.बाभळी हाय लेव्‍हल बॅरेजचे सर्व १४ दरवाजे उघडलेले आहेत. दिग्रस धरणाचे १४ दरवाजे उघडलेले आहे. जायकवाडी पासून बाभळीपर्यत सर्व गोदावरी वरील बंधाऱ्यांचे दार उघडे आहेत. २५ जणांची सुटका आपत्ती व्यवस्थापन विभागाने आज युद्धपातळीवर काम केले. उंचाडा येथे गावाजवळ कयाधु नदीच्‍या परीसरात जवळपास २५ लोक अडकले होते. जिल्‍हा आपत्ती व्यवस्थापन प्राध‍िकरण जिल्हाधिकारी कार्यालय नांदेड कडून राज्‍य आपत्ती प्रतिसाद दल SDRF ची तुकडी त्‍या ठिकाणी पाठवून शोध व बचाव कार्य करुन २५ जणांना पुरातुन सुखरुप बाहेर काढले. तथापि, नांदेड तालुक्यात दुपारी ४ वाजताच्‍या दरम्यान पासदगाव पुलावरून पाणी जात होते. प्रशासनातील कर्मचाऱ्यांनी वारंवार सांगून सुद्धा एका व्यक्तीने प्रशासनाचे काहीच न ऐकता पुल क्रॉस करण्याच्या प्रयत्नात तो वाहून गेला आहे. त्याचा शोध सुरु आहे. पालकमंत्र्यांकडून आढावा राज्याचे ग्रामविकास मंत्री तथा जिल्ह्याचे पालकमंत्री गिरीश महाजन यांनी दुपारी जिल्हाधिकारी व अन्य प्रमुख अधिकाऱ्यांशी संपर्क साधून जिल्ह्यातील पूर परिस्थितीचा आढावा घेतला शक्य तेवढ्या लवकर नुकसानीचे पंचनामे सुरू करण्याबाबतचे निर्देश त्यांनी दिले तातडीच्या मदतीला सुरुवात करण्याचे ही त्यांनी यावेळी सांगितले.
from Marathi News: मराठी बातम्या, Latest Marathi Breaking News & Headlines | Maharashtra Times https://ift.tt/cp2EsMe
No comments:
Post a Comment