खूशखबर! सोने दरात घसरण, 'या' कारणामुळे आणखी स्वस्त होणार https://ift.tt/31Bdwka

मुंबई : सलग दोन सत्रात तेजीत असलेल्या सोन्याच्या भावात गुरुवारी घसरण झाली. करोना व्हायरसने युरोपात पुन्हा डोके वर काढल्याने कमॉडिटी बाजारात सोने चांदीचे भाव घसरले. भारतीय बाजारात देखील गुरुवारी सोने स्वस्त झाले. कमॉडिटी बाजारात गुरुवारी सोने आणि चांदीच्या भावात मोठी घसरण दिसून आली. बाजार बंद होताना सोने ५६९ रुपयांनी स्वस्त झाले. सोन्याचा १० ग्रॅमचा भाव ५१३३३ रुपयांवर बंद झाला. एक किलो ६२६९८ रुपयांपर्यंत खाली आला असून त्यात ९३१ रुपयांची घसरण झाली.कोरोना विषाणूच्या रुग्णसंख्येत जगभरात चिंताजनक वाढ होत असल्याने सोने, क्रूड आणि बेस मेटलचे दर आणखी घसरण्याची शक्यता आहे. सराफा बाजारात देखील स्पॉट गोल्ड ५१३१२ रुपये प्रती १० ग्रॅम इतके होते. तर चांदीचा भाव ६२७१० रुपये प्रती किलो होता. इंडियन बुलियन अँड ज्वेलर्स असोसिएशनचा गुरुवारी करांव्यतिरिक्त शुध्द सोन्याचा भाव प्रती १० ग्रॅम ५१३१२ रुपये होता. तर चांदीचा भाव एक किलोला ६२७२० रुपये आहे. सोन्यावर वस्तू आणि सेवा कर तसेच घडणावळ मजुरी आकारली जाते. त्यामुळे दागिना खरेदी करताना त्यात किमान ४ ते ५ हजारांची वाढ होते. goodreturns या वेबसाईटनुसार शुक्रवारी मुंबईत २२ कॅरेट सोन्याचा भाव ५०१०० रुपये आहे. २४ कॅरेटसाठी तो ५११०० रुपये आहे. दिल्लीत २२ कॅरेट सोन्याचा भाव ४९६१० रुपये आहे. तर २४ कॅरेटसाठी तो ५४१२० रुपये आहे. कोलकात्यात २२ कॅरेट सोन्याचा भाव ५०११० रुपये आहे. तर २४ कॅरेटसाठी तो ५१७१० रुपये आहे. चेन्नईत २२ कॅरेट सोन्याचा भाव ४७२०० रुपये आहे. तर २४ कॅरेटसाठी तो ५१४९० रुपये आहे. कोरोना विषाणूच्या रुग्णसंख्येत जगभरात चिंताजनक वाढ होत असल्याने सोने, क्रूड आणि बेस मेटलचे दर आणखी घसरण्याची शक्यता जाणकारांनी व्यक्त केली आहे. अमेरिकेकडून अतिरिक्त मदतीच्या आशेमुळे सोन्याचे दर काहीसे वधारले. स्पॉट गोल्डचे दर १,९२४.५ डॉलर प्रति औसांवर स्थिरावले. कोरोना विषाणू मदत विधेयकावरून होणा-या घडामोडीमुळे पिवळ्या धातूच्या दरांना आधार मिळाला. कमी व्याजदर आणि जागतिक मध्यवर्ती बँकांनी साथीच्या उद्रेकापासून मोठ्या प्रमाणावत तरलता वाढवली असल्याने सोन्याचे दर २५ टक्क्यांनी वाढले. कारण सोने हे महागाई आणि चलन अवमूल्यनाविरोधात अवरोधक म्हणून काम करते. साथीच्या आजारामुळे युरोपमध्ये पुन्हा निर्बंध लागल्यामुळे सोन्याच्या दरांना आणखी आधार मिळाला. जगभरातील कोरोना रुग्णसंख्येने ४०.८ दशलक्ष एवढा आकडा ओलांडला असल्याने सुरक्षित मालमत्ता असलेल्या सोन्याला अधिक झळाळी मिळाली. तथापि, आगामी नोव्हेंबर २०२० मधील राष्ट्राध्यक्ष पदासाठीच्या निवडणुकीपूर्वी अमेरिकेकडून कोरोना मदत निधी मिळण्याचे काही संकेत दिसत नसल्याने सोन्याच्या दरावर काहीसा उदासीन परिणाम होऊ शकतो

from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/3koQQLo