सरकारी तेल कंपन्यांमुळे प्लास्टिक महागले; हे कसं झालं? https://ift.tt/3sQWhqb

म. टा. प्रतिनिधी, मुंबई सध्या प्लास्टिकशी संबंधित विविध उत्पादने खूप महागली आहेत. या प्लास्टिकसाठी लागणाऱ्या '' या कच्च्या मालाची उपलब्धता कमी झाल्याने दर वधारले आहेत. याला सरकारी तेल कंपन्या कारणीभूत आहेत. त्यांनी तात्काळ कच्च्या मालाचा पुरवठा सुरू करावा, अशी मागणी उत्पादन करणाऱ्या कंपन्यांच्या संघटनांनी केली आहे. प्लास्टिक प्रक्रिया उद्योग हा अन्नप्रक्रिया, कृषी, खेळणी, आरोग्य निगा, फार्मा, ऑटोमोटिव्ह, पायाभूत सुविधा आणि ग्राहक क्षेत्रासाठी वस्तूंचे उत्पादन करतो. यांतील बहुतेक उत्पादक हे सूक्ष्म, लघु आणि मध्यम उद्योग (एमएसएमई) प्रकारातील आहेत. पण आता 'पॉलिमर' हा मुख्य कच्चा मालच उपलब्ध होत नसल्याने या क्षेत्रातील कारखाने बंद पडण्याच्या उंबरठ्यावर असल्याचे संघटनांचे म्हणणे आहे. वाचा: ऑल इंडिया प्लास्टीक्स मॅन्युफॅक्चरर्स असोसिएशन, ऑर्गनायझेशन ऑफ प्लास्टिक्स प्रोसेसर्स ऑफ इंडिया, प्लास्टिक एक्स्पोर्ट प्रमोशन कौन्सिल, गुजरात स्टेट प्लास्टिक्स मॅन्युफॅक्चरर्स असोसिएशन, इंडियन प्लास्टिक्स फेडरेशन, कर्नाटक स्टेट प्लास्टिक्स असोसिएशन, महाराष्ट्र प्लास्टिक्स मॅन्युफॅक्चरर्स असोसिएशन, केरळ प्लास्टिक्स मॅन्युफॅक्चरर्स असोसिएशन, तेलंगन अँड आंध्र प्लास्टिक्स मॅन्युफॅक्चरर्स असोसिएशन व कॅनरा प्लास्टिक मन्युफॅक्चरर्स अँड ट्रेडर्स असोसिएशन या संघटनांनी या संदर्भात केंद्र सरकारला पत्र लिहून चिंता व्यक्त केली आहे. वाचा: सध्या हे क्षेत्र ५० लाखांचा रोजगार देते. पण यांतील ५० हजार कारखाने क्षमतेच्या ५० टक्केच सुरू आहेत. तर २० हजार कारखाने बंद पडण्याच्या उंबरठ्यावर आहेत. त्यातील लाखो कामगारांवर नोकरी जाण्याची टांगती तलवार आहे. यामुळेच केंद्र सरकारने इंडियन ऑइल, गेल, ओपल, हल्दिया पेट्रोकेमिकल्स, एमआरपीएल या सार्वजनिक क्षेत्रातील कंपन्यांना 'पॉलिमर' या कच्च्या मालाचा प्लास्टिक उद्योगांना योग्य किमतीत नियमित पुरवठा करण्याचे निर्देश द्यावेत. तसेच 'पॉलिमर' वर किमान एक वर्षासाठी निर्यातबंदी आणावी, अशी मागणी या संघटनांनी केली आहे. १५५ टक्के दरवाढ प्लास्टिकसंबंधी ११ प्रकारच्या कच्च्या मालांच्या प्रति किलो दरात मागील १३ महिन्यांत १५५ टक्क्यांपर्यंत वाढ झाली आहे. ९ टक्क्यांपासून ते ३२, ४२, ५५, ६८, ८४, ९५ व १५५ टक्के वाढ या घटकांमध्ये झाली आहे.

from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/3bTW3YI