कोलकाताः पश्चिम बंगालमध्ये हुगळीच्या खासदार आणि चुंचुडा विधानसभा मतदारसंघातील भाजप उमेदवार ( ) यांच्यावर रसायन मिश्रित रंग फेकला. रंगाचे काही थेंब त्यांच्या डोळ्यात गेले. यामुळे त्यांची प्रकृती बिघडली आहे. त्यांना तातडीने रुग्णालयात दाखल करण्यात आलं आहे. त्यांच्यावर उपचार करण्यात येत आहे. ही घटना रविंद्र नगर कालीतला भागातील वसंत उत्सवादरम्यानची आहेत. कोदालिया-२ ग्राम पंचायतचे प्रमुख विद्युत विश्वास यांच्या नेतृत्वातील अज्ञात व्यक्तींनी हा रसायन मिश्रित रंग फेकल्याचा आरोप भाजपने केला आहे. आपल्यावर हानीकारक रसायन मिश्रित रंग फेकण्यात आला. हा रंग कुणी फेकला हे बघितल्यावर टीएमसीचे काही कार्यकर्ते दिसून आले. त्यांनी हा रंग फेकला, असं लॉकेट बॅनर्जी म्हणाल्या. एएनआयने हे वृत्त दिलं आहे. पश्चिम बंगाल आणि आसाम विधानसभेच्या निवडणुकीसाठी शनिवारी पहिल्या टप्प्यातलं मतदान झालं. पश्चिम बंगालमध्ये ७९.७९ टक्के तर आसाममध्ये ७२.१४ टक्के मतदान झालं. पश्चिम बंगालमध्ये ५ जिल्ह्यांमधील ३० जागांसाठी मतदान झालं. तर आसाममध्ये ४७ जागांसाठी मतदार झालं.
from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/3u1LhXE
No comments:
Post a Comment