पाटणा : जनता दल युनायटेडचे आमदार आणि बिहारचे माजी शिक्षण मंत्री यांचं सोमवारी निधन झालं. ते ६८ वर्षांचे होते. चौधरी गेल्या काही दिवसांअगोदर करोना संक्रमित आढलळे होते. तेव्हापासून ते रुग्णालयात उपचार घेत होते. पाटण्याच्या एका रुग्णालयात त्यांच्यावर उपचार सुरू होते. मेवालाल बिहारच्या तारापूर विधानसभा मतदारसंघातून निवडून आले होते. सरकार स्थापन झाल्यानंतर त्यांच्यावर शिक्षणमंत्री पदाचा भार सोपवण्यात आला होता. परंतु, वादाला सामोरं जावं लागल्यानंतर शपथेनंतर केवळ तीन दिवसांनंतर त्यांना आपल्या पदाचा राजीनामा द्यावा लागला होता. दरम्यान, बिहारमध्ये गेल्या २४ तासांत ८ हजार ६९० करोनाबाधित रुग्ण आढळळे आहेत. यानंतर राज्यातील एकूण करोनासंक्रमितांची संख्या ३ लाख २४ हजार ११७ वर पोहचलीय. २४ तासांत २७ रुग्णांच्या मृत्यूची नोंद करण्यात आलीय. आतापर्यंत राज्यात १ हजार ७४९ मृत्यूंची नोंद करण्यात आलीय. या अगोदरही अनेक राजकीय नेत्यांना करोनामुळे आपले प्राण गमवावे लागले आहेत. - अहमद पटेल, काँग्रेस नेते - तरुण गोगोई, आसामचे माजी मुख्यमंत्री आणि काँग्रेस नेते - प्रणव मुखर्जी, माजी राष्ट्रपती - रघुवंश प्रसाद सिंह, राष्ट्रीय जनता दलाचे नेते - सुरेश अंगडी, केंद्रीय रेल्वे राज्यमंत्री - नयनी नरसिम्हा रेड्डी, तेलंगणा राष्ट्र समिती (TRS) ज्येष्ठ नेते - कमलराणी वरुण, उत्तर प्रदेशच्या कॅबिनेट मंत्री - राजा मदनगोपाल नायक, कर्नाटकचे माजी काँग्रेस मंत्री - अभय भारद्वाज, भाजपचे गुजरातचे राज्यसभा खासदार - किरण माहेश्वरी, राजस्थानचे भाजप आमदार - कैलाश त्रिवेदी, राजस्थानच्या सहाडाचे काँग्रेस आमदार - महेश कनोडिया, भाजपचे माजी खासदार आणि त्यांचे बंधू नरेंद्र कोनोडिया, भाजपचे माजी आमदार - अशोक गस्ती, भाजपचे माजी राज्यसभा खासदार, कर्नाटक - चेतन चौहान, उत्तर प्रदेश मंत्री आणि माजी क्रिकेटपटू - गोवर्धन डांगी, काँग्रेस आमदार, मध्य प्रदेश - पी. नामग्याल, काँग्रेसचे ज्येष्ठ नेते, लेह - दिलीप गांधी, भाजप नेते - पास्कल धनारे, भाजपचे माजी आमदार - भारत भालके, राष्ट्रवादी काँग्रेसचे पंढरपूरचे आमदार - रावसाहेब अंतापूरकर, काँग्रेस आमदार - सुरेश आमोणकर, गोव्याचे माजी आरोग्य मंत्री आणि गोवा भाजपचे माजी प्रदेशाध्यक्ष - आर.दोरिक्कन्नू, तामिळनाडूचे कृषीमंत्री यांच्यासहीत अनेक नेत्यांना करोनामुळे आपले प्राण गमवावे लागले आहेत.
from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/3ty1zaZ
No comments:
Post a Comment