नागपुरातील व्यावसायिक अशी देतोय रमझानची 'जकात'; तुम्हीही कराल सॅल्यूट https://ift.tt/3ezy0PU

नागपूर: देशाला सध्या करोनाचा विळखा पडला असून ऑक्सिजनसह औषधाच्या तुटवड्यामुळं अनेकांना प्राण गमवावे लागत आहेत. या कठीण काळात मदतीचे अनेक हात पुढे येत आहेत. शून्यातून विश्व निर्माण करणाऱ्या नागपुरातील एका उद्योजकानं माणुसकीचा असाच आदर्श घालून दिला आहे. नामक या उद्योजकानं व परिसरातील सरकारी रुग्णालयांना आठवड्याच्या आतच सुमारे ४०० मेट्रिक टन ऑक्सिजनचा पुरवठा केला आहे. विशेष म्हणजे कर्तव्यभावनेतून त्यांची ही सेवा सुरू आहे. ( donates Oxygen to Hospitals) प्यारे खान हे नागपुरातील आघाडीचे उद्योजक आहेत. नव्वदच्या दशकात नागपूर रेल्वे स्थानकाबाहेर संत्री विकणारे खान आता मोठे वाहतूकदार म्हणून ओळखले जातात. पोटापाण्यासाठी त्यांनी पूर्वी रिक्षाही चालवली होती. खान यांच्या आश्मी रोड करिअर्स प्राइव्हेट लिमिटेड या कंपनीकडं तब्बल ३०० ट्रकचा ताफा असून त्यांच्या कंपनीचे बाजारमूल्य ४०० कोटी इतके आहे. गरिबीतून वर आलेल्या प्यारे खान यांना तळागाळातील परिस्थितीची पूर्ण जाणीव आहे. या जाणिवेतूनच जीवनमरणाशी झुंजणाऱ्या रुग्णांच्या मदतीसाठी त्यांनी स्वत:ला झोकून दिलं आहे. नागपूर जिल्हा व महापालिका प्रशासनाच्या वतीनं सध्या ते स्वत: ऑक्सिजन पुरवठ्याची व्यवस्था पाहत आहेत. वाचा: अवघ्या आठवडाभरात प्यारे खान यांच्या कंपनीनं करोना रुग्णांना ४०० मेट्रिक टन ऑक्सिजन पुरवला आहे. त्यासाठी त्यांनी स्वत:च्या खिशातून तब्बल ८५ लाख रुपये खर्च केले आहेत. केंद्रीय मंत्री नितीन गडकरी यांनी दिलेल्या ३६० सिलिंडरसह एकूण ८६० सिलिंडर त्यांनी वेगवेगळ्या रुग्णालयांना पुरवले आहेत. रायपूर, रुरकेला व भिलई येथे टँकर पाठवून, तिथून ऑक्सिजन भरून घेऊन तो नागपूर व आसपासच्या परिसरात पुरवण्याचं काम ते करत आहेत. वाचा: प्यारे खान यांच्या या कामाचा पूर्ण मोबदला देण्याची तयारी प्रशासनानं दर्शवली आहे. मात्र, हे पैसे न स्वीकारण्याचा निर्णय त्यांनी घेतला आहे. रमझानच्या पवित्र महिन्यातील ही 'जकात' आहे. हे माझं कर्तव्यच आहे. मानवतेची ही सेवा आहे,' असं त्यांनी म्हटलं आहे. 'ऑक्सिजन दान करून समाजाची सेवा करण्याची ही संधी आहे. सर्व जातीधर्माच्या लोकांना संकटाच्या काळात याचा आधार मिळेल. गरज भासल्यास ब्रुसेल्स येथून काही टँकर एअरलिफ्ट करण्याची तयारी देखील आमची तयारी आहे,' असं प्यारे खान यांनी म्हटलंय. वाचा:

from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/3aAGPYI