: सहकार्य करीत नाहीत, अशी देशभरातील पोलिस दलांची तक्रार आता दूर केली जाणार आहे. कोणत्याही कारवाईसाठी अथवा आरोपीला पकडण्यासाठी मुंबईत आलेल्या इतर राज्यांतील पोलिसांना मुख्यालयातून परवानगी घ्यावी लागत होती. यामुळे आरोपी सतर्क होत असे आणि ही प्रक्रिया देखील वेळखाऊ होती. मुंबईचे पोलिस आयुक्त यांनी ही प्रक्रियाच रद्द करून स्थानिक पोलिसांना मदत आणि परवानगीचे अधिकार दिले आहेत. भादंवि तसेच सीआरपीसीनुसार देशात कुठेही जाऊन आरोपीला पकडणे हा पोलिसांचा अधिकार आहे; मात्र ही कारवाई करताना स्थानिक पोलिसांना सूचित करणे अनिवार्य आहे. असे असताना गेल्या काही वर्षांपासून मुंबईत कारवाईसाठी येणाऱ्या पोलिसांना मुंबई पोलिस आयुक्त कार्यालयात जाऊन गुन्हे शाखेच्या पोलिस उपायुक्तांकडून त्यासाठी परवानगी घ्यावी लागत होती. अगदी मुंबईच्या टोकाच्या दहिसरमध्ये कारवाईसाठी या पोलिसांना क्रॉफर्ड मार्केटजवळील मुख्यालय गाठावे लागायचे. ही परवानगी मिळाल्यानंतर स्थानिक पोलिस ठाण्यात माहिती देऊनच पुढील कारवाईला परवानगी मिळत होती. या प्रक्रियेमुळे वेळ तर वाया जायचाच, पण त्याचबरोबर आरोपीलाही कुणकुण लागायची. असे प्रकार घडू नयेत तसेच देशाच्या इतर राज्यांतील पोलिसांच्या मनातील मुंबई पोलिसांची असहकार्याची प्रतिमा पुसली जावी यासाठी आयुक्त नगराळे यांनी आयुक्तालयातून परवानगी देण्याची प्रक्रियाच रद्द केली आहे. परराज्यातून आलेले पोलिस कारवाईच्या परवानगीसाठी अथवा मदतीसाठी थेट स्थानिक पोलिस ठाण्यात जाऊ शकतात, असे आयुक्तांनी आपल्या आदेशात म्हटले आहे. आयुक्तांच्या या स्पष्ट निर्देशांमुळे किचकट प्रक्रिया आणि पोलिसांच्या मनातील संभ्रम दूर होणार आहे. अशी असेल प्रमाणित कार्यप्रणाली - स्थानिक पोलिस ठाण्याच्या वरिष्ठ निरीक्षकाने बाहेरून आलेल्या पोलिसांच्या ओळखपत्राची शहानिशा करावी - गुन्ह्यांसंदर्भांतील कागदपत्रे, मदत हवी असल्याचे लेखी पत्र घ्यावे. - खात्री पटल्यास कारवाईसाठी पोलिसांची कुमक द्यावी. - अतिसंवेदनशील, कायदा-सुव्यवस्थेचा प्रश्न निर्माण करणारे प्रकरण असल्यास वरिष्ठांची परवानगी घ्यावी - अतिमहत्त्वाची व्यक्ती असल्यास उपायुक्त किंवा अतिरिक्त पोलिस आयुक्तांची मंजुरी घ्यावी.
from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/3rDV7Px
No comments:
Post a Comment