मुंबई : मागील आठवडाभरात कच्च्या तेलाच्या किमतीत घसरण झाली आहे. तेलाचा भाव ७५ डॉलरवरून ७० डॉलरखाली घसरला आहे. मात्र कच्चे तेल स्वस्त झाले असले तरी भारतीयांना सर्वात महाग इंधन खरेदी करावे लागत आहे. कच्च्या तेल स्वस्त झाल्याने पेट्रोल-डिझेलमध्ये दर कपात करताना कंपन्यांनी हात आखडता घेतला आहे. कारण आज सलग १८ व्या दिवशी कंपन्यांनी पेट्रोल आणि डिझेल दर स्थिर ठेवले आहेत. जगभरात पुन्हा एकदा करोनाने डोकं वर काढल्यानंतर अमेरिका आणि चीनसारख्या देशांनी पुन्हा निर्बंध लागू केले आहेत. त्यामुळे कमॉडिटी बाजाराला मोठी झळ बसली आहे. अमेरिका आणि चीनमध्ये डेल्टा व्हेरिएंटने धुमाकूळ घातला आहे. पुन्हा लॉकडाउन होते की काय या भीतीने कमॉडिटी बाजारात कच्च्या तेलाच्या किमतीत मोठी घसरण झाली आहे. डब्ल्यूटीआय क्रूडचा भाव २.८१ टक्क्यांनी कमी होऊन ६९.३५ डॉलर झाला आहे. कच्च्या तेलाच्या किमती घसरण झाली असली तरी स्वस्त पेट्रोल-डिझेलसाठी भारतीयांना प्रतीक्षाच करावी लागणार आहे. आज सलग १८ व्या दिवशी पेट्रोल आणि 'जैसे थे'च आहे. मुंबईत आजचा एक लीटर पेट्रोलचा भाव १०७.८३ रुपये आहे. दिल्लीत पेट्रोल १०१.८४ रुपये आहे. चेन्नईत पेट्रोलचा भाव १०२.४९ रुपये इतका आहे. तर कोलकात्यात एक लीटर पेट्रोल १०२.०८ रुपये झाले आहे. भोपाळमध्ये साध्या पेट्रोलचा भाव ११०.२० रुपयांवर कायम आहे. बंगळुरात पेट्रोल १०५.२५ रुपये झाले आहे. मुंबईत आज बुधवारी डिझेलचा भाव ९७.४५ रुपयांवर कायम आहे. दिल्लीत डिझेल ८९.८७ रुपये आहे. चेन्नईत ९३.६३ रुपये आणि कोलकात्यात डिझेलचा भाव ९३.०२ रुपये प्रती लीटर झाला आहे. भोपाळमध्ये डिझेलचा भाव ९८.६७ रुपये झाला आहे. बंगळुरात डिझेल ९५.२६ रुपये आहे. मे ते जुलै या तीन महिन्यात कंपन्यांनी केलेल्या दरवाढीने पेट्रोल ११.५२ रुपयांनी महागले आहे. याच कालावधीत एकवेळ झालेलं दरकपात वगळता डिझेलमध्ये ९.०८ रुपयांची वाढ झाली आहे. जागतिक कमॉडिटी बाजारात मंगळवारी कच्च्या तेलाच्या किमतीत मोठी पडझड झाली. लॉकडाउनच्या पार्श्वभूमीवर तेलाच्या किमतीत घसरण झाली. ब्रेंट क्रूडचा भाव २.२१ टक्क्यांनी कमी होऊन ७१.२५ डॉलर प्रती बॅरलवर स्थिरावल्या. डब्ल्यूटीआय क्रूडचा भाव २.८१ टक्क्यांनी कमी झाला आणि तो ६९.३५ डॉलर प्रती बॅरल झाला. यूएस टेक्सासमध्ये डब्ल्यूटीआय क्रूडचा भाव ७०.५६ डॉलर प्रती बॅरल आहे.
from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/3ilDZes
No comments:
Post a Comment