म. टा. प्रतिनिधी, मुंबई ठाणे-दिवा आणि पनवेल-वाशी मार्गावर रविवारी दिवसा मध्य रेल्वेने ब्लॉक घोषित केला आहे. पश्चिम रेल्वेकडून माहीम-मुंबई सेंट्रल दरम्यान शनिवार-रविवारी मध्यरात्री ब्लॉक घेण्यात येणार आहे. ब्लॉक कालावधीत पर्यायी मार्गावरून लोकल धावणार आहेत. मध्य रेल्वे (मुख्य मार्ग) स्थानक - ठाणे ते दिवा मार्ग - अप आणि डाऊन धीमा वेळ - सकाळी ११ ते दुपारी ४ परिणमा - ब्लॉक दरम्यान अप-डाऊन धीम्या मार्गावरील लोकल फेऱ्या अप-डाऊन जलद मार्गावरून धावणार आहेत. यामुळे सकाळी ११ ते सायंकाळी ५ वाजेपर्यंत धावणाऱ्या सर्व लोकल गाड्या काहीशा विलंबाने धावणार आहेत. हार्बर रेल्वे स्थानक - पनवेल ते वाशी मार्ग - अप आणि डाऊन हार्बर वेळ - सकाळी ११.०५ ते दुपारी ४.०५ परिणाम - ब्लॉक कालावधीत सीएसएमटी ते पनवेल मार्गावरील अप आणि डाऊन लोकल फेऱ्या रद्द राहणार आहेत. पनवेल-ठाणे तसेच नेरुळ-बेलापूर या मार्गावरील अप आणि डाऊन लोकल फेऱ्या रद्द राहणार आहेत. प्रवाशांच्या सुविधेसाठी सीएसएमटी-वाशी आणि ठाणे-वाशी मार्गावर विशेष फेऱ्या चालवण्यात येणार आहेत. पश्चिम रेल्वे स्थानक - माहीम ते मुंबई सेंट्रल मार्ग - अप धीमी वेळ - रात्री ११.५० ते पहाटे ४.५० (शनिवार-रविवार मध्यरात्र) परिणाम - ब्लॉक दरम्यान अप धीम्या मार्गावरील लोकल फेऱ्या अप जलद मार्गावर वळविण्यात येणार आहेत. ब्लॉकबाबत सविस्तर माहिती रेल्वे स्थानकांत उपलब्ध आहे.
from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/2ZKuoHb
No comments:
Post a Comment