गडचिरोली: गडचिरोली जिल्ह्याची आदिवासीबहुल नक्षलग्रस्त म्हणून ओळख आहे. मागील काही वर्षापासून गडचिरोली पोलीस नक्षलवाद्यांशी दोन हात करत त्यांचे अक्षरशः कंबरडे मोडले. एवढंच नव्हे तर जिल्ह्यातील आदिवासी युवक युवती नक्षल चळवळीला बळी न पडता विकासाच्या मुख्य प्रवाहात यावे यासाठी पोलीस अधिक्षक अंकित गोयल यांच्या संकल्पनेतून पोलिस उपक्रम राबवित आहेत. जिल्ह्यातील नक्षलग्रस्त व दुर्गम, अतिदुर्गम भागातील बेरोजगार युवक-युवतींना नोकरीची संधी उपलब्ध करून देण्याच्या उद्देशाने पोलीस दादालोरा खिडकीच्या माध्यमातून प्रथम एज्युकेशन फॉऊंडेशन, बीओआय स्टार आरसेटी, कृषी तंत्रज्ञान व्यवस्थापन केंद्र (आत्मा) यांच्या संयुक्त विद्यमाने गुरुवारी 'भव्य महारोजगार व स्वयंरोजगार मेळाव्याचे' आयोजन करण्यात आले होते. या मेळाव्यात ४९६ बेरोजगार युवक-युवतींना रोजगार उपलब्ध करून देण्यात आले आहे. प्रथम एज्युकेशन फॉऊंडेशन राळेगाव, औरंगाबाद, अहमदनगर यांच्या माध्यमातून हॉस्पिटॅलिटी, ऑटोमोबाईल, इलेक्ट्रिकल, प्लंबिंग, वेल्डींग, जनरल ड्युटीमध्ये निवड झालेल्या ३०० उमेदवारांना नियुक्ती प्रमाणपत्र तसेच बीओआय स्टार आरसेटीच्या वतीने पापड, लोणचे, टु-व्हिलर, फोर व्हिलर दुरुस्ती, फास्ट फुड प्रशिक्षण पूर्ण केलेल्या १०१ युवक-युवतींना स्वयंरोजगार सुरू करण्याकरिता किट देण्यात आली. तसेच कृषी तंत्रज्ञान व्यवस्थापन केंद्र (आत्मा) यांच्या मार्फत ९५ युवक-युवतींना पालेभाज्या लागवड प्रशिक्षण देण्यात आले असून, त्यांना प्रमाणपत्र वाटप करण्यासाठी 'भव्य महारोजगार व स्वयंरोजगार मेळाव्याचे' आयोजन पोलिस मुख्यालय परिसरातील एकलव्य धाम येथे करण्यात आले. पोलिस दादालोरा खिडकीच्या माध्यमातून आतापर्यंत गडचिरोली जिल्ह्यातील दुर्गम व अतिदुर्गम भागातील बेरोजगार युवक युवतींना ब्युटी पार्लर ७०, मत्स्य पालन ६०, कुक्कुटपालन २९३, शिवणकाम ३५, फोटोग्राफी ३५, मधुमक्षिकापालन ३२ व शेळीपालन ६७, पालेभाज्या लागवड ११४, टु व्हिलर व फोर व्हिलर २३५ अशा एकुण ९४१ बेरोजगार युवक युवतींना प्रशिक्षण देवून स्वयंरोजगारासाठी आत्मनिर्भर केले आहे. तसेच हॉस्पीटॅलिटी २५४, ऑटोमोबाईल प्रशिक्षण १९७, इलेक्ट्रीशीअन ११५, प्लंबिंग ११, वेल्डींग १८, सुरक्षा रक्षक ४१३, नर्सिंग असिस्टंट ११४३, अॅक्सिस बँक, गडचिरोली यांचे माध्यमातून फिल्ड ऑफिसर ११ असे एकुण २१५४ ग्रामीण गरीब व गरजु युवक-युवतींना प्रशिक्षण देऊन रोजगार उपलब्ध करून देण्यात आले आहे. यावेळी प्रमुख म्हणून अतिथी गडचिरोलीचे पोलीस अधीक्षक अंकित गोयल, अपर पोलीस अधीक्षक (प्रशासन) समीर शेख, अपर पोलीस अधीक्षक (अभियान) सोमय मुंडे, आत्माचे प्रकल्प संचालक संदीप कऱ्हाडे, युवराज टेंभूर्णे उपस्थित होते. या प्रशिक्षणाच्या यशस्वितेसाठी जिल्ह्यातील सर्व उपविभागीय पोलीस अधिकारी, पोस्टे/ उपपोस्टे/पोमकेचे सर्व प्रभारी अधिकारी तसेच नागरी कृती शाखेचे प्रभारी अधिकारी सपोनि महादेव शेलार व सर्व पोलीस अंमलदार यांनी परिश्रम घेतले.
from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/3eDQ9g0
No comments:
Post a Comment