जोहान्सबर्ग : भारतीय संघातील खेळाडू स्वत:हून कोणाला डिवचत नाहीत, पण जर का कोणी अंगावर आलं तर त्याला शिंगावर घेतल्यावाचून राहत नाहीत. भारताचा वेगवान गोलंदाज जसप्रीत बुमराच्या बाबतीत हीच गोष्ट मैदानात पाहायला मिळाली. मैदानात बुमराची दक्षिण आफ्रिकेच्या एका खेळाडूबरोबर बाचाबाची झाली. पण त्यानंतर भडकलेल्या बुमराने आपला राग काढल्याचेही पाहायला मिळाले. बुमराचा हा व्हिडीओ सध्याच्या घडीला चांगलाच व्हायरल झाला आहे. नेमकं घडलं तरी काय, पाहा... ही गोष्ट घडली ती ५४व्या षटकात. बुमरा जेव्हा फलंदाजीला आला तेव्हा त्याला बाद करण्यासाठी दक्षिण आफ्रिकेचे गोलंदाज बाऊन्सरचा मारा करत होते. ५४व्या षटकात दक्षिण आफ्रिकेचा मार्को जेन्सन हा गोलंदाजी करत होता. या षटकात मार्कोने असा एक बाऊन्सर टाकला की, तो सरळ जाऊन बुमराच्या खांद्यावर आदळला. त्यानंतर बुमरा आणि मार्को यांच्यामध्ये बाचाबाची झाली. पण त्यावेळी मैदानातील पंचांनी या दोन्ही खेळाडूंच्या दिशेने धाव घेतली आणि प्रकरण शांत केले. पण त्यानंतरही दक्षिण आफ्रिकेचे खेळाडू शांत बसणारे नव्हते. त्यानंतरच्या ५५व्या षटकात वेगवान गोलंदाज कागिसो रबाडाने बुमराच्या अंगावर एक बाऊन्सर टाकण्याचा प्रयत्न केला. पण यावेळी बुमरा घाबरला नाही. बुमराने हा चेंडू भिरवला आणि थेट सीमारेषे पार हा चेंडू गेला. बुमराने यावेळी आपला राग षटकार खेचून काढला. मला कितीही बाऊन्सर टाका, मी तुम्हाला घाबरणार नाही हे बुमराने आपल्या कृतीतून दाखवून दिले. बुमराने षटकार खेचल्यानंतर भारतीय संघानेही त्याचे कौतुक केल्याचे पाहायला मिळाले. भारतीय संघातील सदस्यांनी पेव्हेलियनध्ये उभे राहून या षटकारानंतर टाळ्या वाजवल्या आणि बुमराला प्रोत्साहन दिले. बुमरा आणि मार्को यांच्यामध्ये मैदानामध्ये जी बाचाबाची झाली ती कितपत गंभीर होती, याबद्दल सामनाधिकारी पंचांना विचारतील. जर ही बाचाबाची गंभीर स्वरुपाची असेल तर त्याना ताकिद दिली जाईल किंवा त्यांच्यावर आयसीसीच्या नियमांनुसार कारवाई केली जाईल. पण ही गोष्ट सामन्याच्या चौथ्या दिवशी स्पष्ट होऊ शकते.
from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/3pXHgEB
No comments:
Post a Comment