दिलासा! राज्यात करोनाच्या रुग्णसंख्येत होतेय घट; पाहा, ताजी स्थिती! https://ift.tt/3tSrbSQ

मुंबई: राज्यात आज करोनाचे (Coronavirus) ४० हजारांवर नवे रुग्ण आढळले असून कालच्या तुलनेत नव्या रुग्णसंख्येत काहीशी घसरण झाल्याने दिलासा मिळाला आहे. आरोग्य विभागाने दिलेल्या माहितीनुसार, राज्यात गेल्या २४ तासात ४० हजार ८०५ नव्या रुग्णांचे निदान झाले आहे. तर, आज राज्यात एकूण ४४ रुग्णांचा मृत्यू झाला आहे. तर दिवसभरात २७ हजार ३७७ बाधित रुग्ण बरे होऊन घरी गेले आहेत. या बरोबरत राज्यात आज एकूण २ लाख ९३ हजार ३०५ रुग्णांवर (सक्रिय रुग्ण) उपचार सुरू आहेत. (maharashtra registered 40805 new cases in a day with 27377 patients recovered and 44 deaths today) राज्यात आजपर्यंत एकूण ७० लाख ६७ हजार ९५५ करोना बाधित रुग्ण बरे होऊन घरी गेले आहेत. यामुळे राज्यातील रुग्ण बरे होण्याचे प्रमाण ९४.१५ टक्के झाले आहे. आजपर्यंत तपासण्यात आलेल्या ७ कोटी ३३ लाख ६९ हजार ९१२ प्रयोगशाळा नमुन्यांपैकी ७५ लाख ०७ हजार २२५ नमुने पॉझिटिव्ह आले आहेत. हे प्रमाण १०.२३ टक्के इतके आहे. सध्या राज्यात २० लाख ८६ हजार ०२४ व्यक्ती होम क्वारंटाइनमध्ये आहेत, तर ३ हजार ३७३ व्यक्ती संस्थात्मक क्वारंटाइनमध्ये आहेत. वाचा- याबरोबरच, राज्यात आतापर्यंत मृत्युमुखी पडलेल्या रुग्णांची संख्या १ लाख ४२ हजार ११५ इतकी आहे. मुंबईत आज २ हजार ५५० नवे रुग्ण मुंबई महानगरपालिकेच्या हद्दीत आज रविवारी २ हजार ५५० नव्या करोना रुग्णांचे निदान झाले आहे. तर मुंबईतील करोना बाधितांची आजपर्यंतची एकूण संख्या १० लाख ३३ हजार ९१५ इतकी झाली आहे. तसेच मुंबईत गेल्या २४ तासांमध्ये १३ करोना बाधित रुग्णांचा मृत्यू झाला. तर, आजपर्यंत मुंबईत करोनामुळे मृत्युमुखी पडलेल्यांची संख्या १६ हजार ५३५ इतकी आहे. वाचा- ठाणे जिल्ह्यात आज एकूण २ हजार ५९६ नवे रुग्ण ठाणे जिल्ह्यात आज शुक्रवारी २ हजार ५९६ नव्या रुग्णांचे निदान झाले आहे. यांपैकी ठाण्यात ३६९, ठाणे महापालिका क्षेत्रात ५४६, नवी मुंबई मनपा क्षेत्रात १ हजार ११६, कल्याण-डोंबिवली मनपा क्षेत्रात २७६, तर उल्हासनगर मनपा क्षेत्रात ७३, भिवंडी निजामपूर महानगरपालिका क्षेत्रात २९, मिरा-भाईंदर मनपा क्षेत्रात १८७ रुग्ण आढळले आहेत. तर, पालघरमध्ये आज २२३ रुग्ण आढळले असून, वसई विरार मनपा क्षेत्रात १८९, रायगडमध्ये ६६६ आणि पनवेल मनपा क्षेत्रात ३९१ नवे रुग्ण आढळले आहेत. वाचा- आज राज्यात एकही नवीन ओमायक्रॉन रुग्ण नाही. दरम्यान, आज राज्यात एकही नवीन ओमायक्रॉन रुग्ण आढळलेला नाही. राज्याच्या आरोग्य विभागाने दिलेल्या माहितीनुसार, आजपर्यंत राज्यात एकूण २ हजार ७५९ओमायक्रॉन विषाणू बाधित रुग्ण रिपोर्ट झाले आहेत.

from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/33NSovk