शहापूरात जिल्हा प्रशासनाचे बर्डफ्लू मोहीम सुरुच; डुकरांच्या रक्ताचे नमुने घेतले https://ift.tt/DFmtQ2G

ठाणे: येथील वेहळोली गावात १७ फेब्रुवारीला बर्ड फ्लूची लागण होऊन ३०० कोंबड्या दगावल्याची घटना घडली होती. त्यानंतर प्रशासनाकडून कॉम्बिंग ऑपरेशन करत आजूबाजूच्या एक किलोमीटर परिसरातील किमान १५ हजारहून अधिक कोंबड्या शास्त्रोक्त पद्धतीने नष्ट करण्याची मोहीम हाती घेतली आहे. मात्र, आता या परिसरात एकही कोंबडी बर्डफ्लू बाधित आढळून आली नाही. पुढचे सतर्कतेच पाउल उचलत प्रशासनाकडून निर्जंतुकीकरण करत परिसरातील परिसरातील ६० पाळीव डुकरांच्या रक्ताचेही नमुने घेण्यात आले असून तपासणीसाठी पाठवण्यात आले आहेत. तसेच येथील रहिवाशांपैकी कुणाला तापाची लक्षणे आळल्यास त्यांच्यांही रक्ताचे नमुने तातडीने घेण्याच्या सुचना संबंधित आरोग्य यंत्रणेला देण्यात आले असल्याची माहिती जिल्हाधिकारी राजेश नार्वेकर यांनी दिली आहे. सध्या जिल्ह्यात कुठेही नाही. त्यामुळे नागरिकांनी घाबरु नये. पण सतर्क राहणे गरजेचे असून कुठेही बर्डफ्लू सदृष्य लक्षणे आढळल्यास त्वरित आरोग्य विभागाशी संपर्क साधावा असे आवाहन जिल्हाधिकाऱ्यांकडून करण्यात आले आहे. (district administration's campaign continues in shahapur pig blood samples were taken) जिल्ह्यातील शहापूर तालुक्यातील वासिंद येथील वेहळोली गावातील गेल्या आठवड्यात १७ फेब्रुवारी रोजी ३०० हून अधिक कोंबड्या अचानक दगावल्या होत्या. या कोंबड्यांची चाचणी केली असता त्यांना बर्डफ्लूची लागण झाल्याचे अहवालात निष्पन्न झाले होते. त्यानंतर ठाणे जिल्हाधिकारी राजेश नार्वेकर यांनी आधिसुचना काढत वेहळोली आणि आजूबाजूच्या एक किलोमिटर परिसरातील संसर्ग बाधित म्हणून घोषीत केला होता. त्यानंतर तातडीने कुक्कुट पक्षांचे जिल्हा पशुसंवर्धन उपायुक्त यांच्या मार्फत एक मोहीम हाती घेत एक किलोमीटर अंतरातील १५ हजार हून अधिक कोंबड्या, अंडी देण्यायोग्य ७ हजार ९६२ कोंबड्या, २० बदके, ९८० हून अधिक अंडी, खाद्य नष्ट शास्त्रोक्त पद्धतीने नष्ट करण्याची मोहिम हाती घेतली. या सर्व कोंबड्यांना संसर्ग नव्हता. पण बर्ड फ्लूला हद्दपार करण्यासाठी त्यांना नष्ट करण्याशिवाय दुसरा पर्याय नसल्याचे जिल्हाधिकारी राजेश नार्वेकर यांनी सांगितले. क्लिक करा आणि वाचा- आजच्या घडीला या परिसरातील कोंबड्यांची सर्व खुराड रिकामी झाले असून वेळीच पाऊले उचलल्याने जिल्ह्यात कुठेही बर्ड फ्लू नसल्याचा दावा ठाणे जिल्हाधिकारी यांच्याकडून करण्यात आला आहे. तसेच कोंबड्या, अंडी नष्ट करण्याची कारवाई केल्यानंतर सर्व पोल्ट्री फार्म आणि चिकन सेंटर बंद ठेवण्याच्या सुचना जिल्ह्याधिकारी यांच्याकडून देण्यात आल्या आहेत. मात्र तरीही काही ठिकाणी चोरी छुपे व्यवहार सुरू आहे की नाही याची खातरजमा करण्यासाठी विशेष पथकाद्वारे पुन्हा वेहळोली गावासह परिसरात कोम्बिंग ऑपरेशन केले असल्याची माहिती जिल्हाधिकारी यांनी दिली. क्लिक करा आणि वाचा- यावेळी कुठेही कोंबड्या सापडल्या नाहीत. पण हा संसर्ग माणसांपर्यंत पोहचला की नाही याची तपासणी करण्याचे काम सध्या सुरू आहे. त्यासाठी पोल्ट्री फार्ममध्ये काम करणाऱ्या कामगारांची तपासणी आरोग्य विभागाकडून सुरु आहे. या शिवाय पाळीव ६० डुकरांचेही रक्ताचे नमुने सावधगिरीचे उपाय म्हणून घेण्यात आले आहेत. सर्व प्राथमिक आरोग्य केंद्र, आरोग्य सेवकांनाही सतर्क राहण्याचे आदेश देण्यात आले असून कुणीही संशयीत आढळल्यास तत्काळ रक्ताचे नमुने घेण्याच्या सुचना देण्यात आल्याचे जिल्हाधिकारी राजेश नार्वेकर यांनी सांगितले. क्लिक करा आणि वाचा-

from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/QYcgBTG