मोहाली: भारतीय क्रिकेट संघ श्रीलंकेविरुद्धच्या कसोटी मालिकेसाठी सज्ज झाला आहे. चार मार्च रोजी दोन्ही संघातील पहिली कसोटी आयएस बिंद्रा क्रिकेट मैदानावर होणार आहे. ही कसोटी भारताचा स्टार फलंदाज विराट कोहलीची १००वी मॅच असणार आहे. विराट या लढतीला ऐतिहासिक करण्याचा नक्कीच प्रयत्न करेल. त्याने नोव्हेंबर २०१९ नंतर शतक झळकावले नाही. आता या सामन्यात शतकांचा दुष्काळ संपवण्याचा तो नक्की प्रयत्न करले. पण श्रीलंकेच्या संघातील काही गोलंदाज त्याच्यासाठी अडचणीचे ठरू शकतात. जाणून घेऊयात असे कोणते खेळाडू आहेत जे विराटच्या स्वप्नांवर पाणी फेरू शकतात. वाचा- आंतरराष्ट्रीय क्रिकेटमध्ये आतापर्यंत ९ फलंदाजांना १००व्या कसोटीत शतक झळकावता आले आहे. तर एकाही भारतीय फलंदाजाला अशी कामगिरी करता आलेली नाही. त्यामुळे ऐतिहासिक कामगिरी करण्याची मोठी संधी विराटकडे आहे. जर कोहलीने १०० व्या कसोटी सामन्यात शतक झळकावले, तर तो नवा इतिहास रचेल. २०११ मध्ये वेस्ट इंडिजविरुद्धच्या सामन्यातून कोहलीने कसोटी पदार्पण केले होते. त्याच्या नेतृत्वाखाली टीम इंडिया सातव्या क्रमांकावरून पहिल्या क्रमांकावर पोहोचली होती. वाचा- मोहालीमध्ये विराट विराटने या मैदानावर आतापर्यंत या मैदानावर ३ कसोटीत ५०च्या सरासरीने १९९ धावा केल्या आहेत. या मैदानावरील त्याची सर्वोच्च धावसंख्या ६७ आहेत. दोन वेळा त्याने ५० हून अधिक धावा केल्या आहेत. वाचा- का श्रीलंकेविरुद्ध विराट विराटने श्रीलंकेविरुद्ध ९ कसोटीत १ हजार ४ धावा केल्या आहेत. त्याच्या नावावर ५ शतक आणि २ अर्धशतकांची नोंद आहे. या गोलंदाजांपासून धोका गेल्या काही काळात डाव्या हाताने गोलंदाजी करणाऱ्या गोलंदाजांनी विराटला अडचणीत आणले आहे. आंतरराष्ट्रीय क्रिकेटमध्ये ७० शतक करणाऱ्या विराटची या गोलंदाजांच्याविरुद्धची फारच कमी आहे. डाव्या हाताच्या फिरकी गोलंदाजांच्याविरुद्ध २८ तर जलद गोलंदाजांच्याविरु्दध २६.३३ इतकी सरासरी आहे. यामुळेच श्रीलंकेचा फिरकीपटू प्रवीण जयविक्रमा विराटला अडचणीत आणू शकतो. त्याने गेल्या वर्षी बांगलादेशविरुद्धच्या पदार्पणाच्या कसोटीत ११ विकेट घेतल्या होत्या. त्याने पहिल्या डावात ६ तर दुसऱ्या डावात ५ विकेट घेतल्या होत्या. प्रवीणने फक्त ३ कसोटीत १८ विकेट मिळवल्या आहेत. वाचा- श्रीलंकेचा आणखी एक गोलंदाज ज्यामुळे विराट अडचणीत येऊ शकतो तो म्हणजे विश्वा फर्नांडो होय. डाव्या हाताने जलद गोलंदाजी करणारा विश्वा दोन्ही बाजूने स्विंग करू शकतो. त्याने द.आफ्रिका दौऱ्यात मार्को जॉनसेनने विराटला अडचणीत आणले होते. विश्वा देखील अशीच अडचण निर्माण करू शकतो. त्याने आंतरराष्ट्रीय क्रिकेटमध्ये हाशिम आमलाला सर्वात प्रथम गोल्डन डकवर बाद केले होते. त्याच्याविरुद्ध विराटने कव्हर ड्राईव्ह मारण्याचा प्रयत्न केल्यास विराट स्लिपमध्ये बाद होऊ शकतो. वाचा- लसिथ अंबुलदेनिया लंकेच्या संघातील हा तिसरा गोलंदाज आहे जो विराटला शतकापासून रोखू शकतो. लसिथने १३ कसोटीत ६२ विकेट घेतल्या आहेत. पदार्पणाच्या सामन्यात पाच विकेट घेणारा तो लंकेचा पहिला डावखुरा फिरकीपटूआहे. त्याचा चेंडू बाहेर आणि आत अशा दोन्ही बाजूला वळतो. विराटला त्याच्याविरुद्ध ड्राइव्ह शॉट खेळण्यापासून सावध रहावे लागले. गेल्या काही काळात अशा प्रकारे शॉट खेळताना विराट बाद झालाय.
from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/QLqzW7S
No comments:
Post a Comment