म.टा. प्रतिनिधी, नागपूर : 'करलो तयारी आपका वक्त आना शुरू हुआ हैं…'अशा शब्दांत कॉंग्रेसच्या युवा कार्यकर्त्यांना आवाहन करत आगामी सर्व निवडणुकीत कॉंग्रेसकडून ५० टक्के जागांवर युवा निवडणूक लढणार आणि जिंकूनही दाखविणार. कॉंग्रेस संपली असे म्हणणाऱ्यांना आता युवा शक्ती आपली ताकद दाखविणार असल्याचा विश्वास महाराष्ट्र प्रदेश युवक कॉंग्रेसच्या प्रदेशाध्यक्षपदी निवड झालेल्या यांनी व्यक्त केला. महाराष्ट्र प्रदेश युवक क्रॉंग्रेसच्या प्रदेशाध्यक्षपदी कुणाल राऊत यांची निवड झाल्याबद्दल त्यांच्या आगमनानिमित्त नागपुरात रविवारी जाहीर सत्कार सोहळा घेण्यात आला. विमानतळावर आगमन झाल्यानंतर कुणाल यांचे जंगी स्वागत करण्यात आले. विमानतळ ते संविधान चौक अशी रॅली काढून कॉंग्रेसने शक्तीप्रदर्शन केले. यावेळी माजी आमदार अशोक धवड, प्रफुल गुडधे पाटील, तानाजी वनवे, रोशन बिट्टू, के.के.पांडे, अनिल नगरारे, नरेंद्र जिचकार, बंटी शेळके, तौसिफ शेख, रत्नाकर जयपूरकर, सुरेश पाटील, मूलचंद मेहेर, दीपक खोब्रागडे, सेवादलचे प्रवीण आगरे, याज्ञवल्क्य जिचकार आदी उपस्थित होते. युवक काँग्रेसचे सर्व जिल्हाध्यक्षांचाही यावेळी सत्कार करण्यात आला. कार्यक्रमाचे सूत्रसंचालन संजय दुबे यांनी केले. आभार निलेश खोब्रागडे यांनी मानले. २४ तास हेल्पलाईन युवक कॉंग्रेसतर्फे जनतेच्या मदतीसाठी २४ तास हेल्पलाइन सुरु केली जाणार असल्याचे राऊत यांनी सांगितले. संघटना आणखी मजबूत करण्यासाठी गाव तिथे शाखा उघडण्यात येणार आहे. या शाखांच्या माध्यमातून महाराष्ट्रातील प्रत्येक बुथवर पोहोचण्याचा आमचा संकल्प असल्याचे राऊत यांनी सांगितले. युवा शक्तीची ताकद दाखवण्याची वेळ आता आली आहे. त्यामुळे युवक काँग्रेसच्या पदाधिकारी, कार्यकर्त्यांनी निवडणुकीच्या तयारीला लागावे, असे आवाहन त्यांनी केले. आपल्याला सोनिया गांधी, राहुल गांधी आणि प्रियंका गांधी यांच्या नेतृत्वातच आता प्रत्यक्ष मैदानात लढायचे असल्याचा विश्वास राऊत यांनी व्यक्त केला. कॉंग्रेसला संपविण्याचे काम सुरु आहे, या विरोधात आता एकजूट होऊन लढा देण्याची गरज अशोक धवड यांनी व्यक्त केली.
from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/7Mhb49G
No comments:
Post a Comment