धक्कादायक! रुग्णाच्या वृद्ध नातेवाईकाला बेदम मारहाण, कारण होते अगदी शुल्लक https://ift.tt/3U2QLHY

: येथील जिल्हा शासकीय रुग्णालयात दाखल करण्यात आलेल्या रुग्णाच्या वृद्ध नातेवाईकाला किरकोळ कारणावरून जबरदस्त मारहाण करण्यात आल्याचा खळबळजनक प्रकार घडला आहे. हा प्रकार रत्नागिरीतील चिरायू या खासगी हॉस्पिटल परिसरात घडला अशी नोंद पोलीस ठाण्यात करण्यात आली आहे. किरकोळ कारणातून वृद्धाला गाडीची चावी असलेल्या फाईटने आणि लाथानी मारहाण केली, अशी माहिती बुधवारी पोलिसांकडून देण्यात आली. याप्रकरणी आरोपी महिताप अब्दुल हमीद साखरकर याच्या विरोधात शहर पोलीस ठाण्यात गुन्हा दाखल करण्यात आला आहे. साखरकर हा रत्नागिरीतील शिरगाव येथील रहिवासी आहे. अब्दुल हमीद साखरकर याच्या विरोधात पीडित इम्तियाज अब्दुल सत्तार पटेल (६२) यांनी पोलिसांकडे तक्रार दिली आहे. त्यानुसार, सोमवारी इम्तियाज पटेल यांचे नातेवाईक अन्वर पटेल यांच्या मुलाचा अपघात झाला होता. त्याला उपचारासाठी जिल्हा शासकीय रुग्णालयात नेऊन सिटीस्कॅन करण्यासाठी खासगी हॉस्पिटलमद्ये दाखल करण्यात आले होते. त्याठिकाणी पटेल यांच्या अन्य नातेवाईकांनी गर्दी केल्याचे पाहून इम्तियाज पटेल यांनी गर्दी कमी करा असे त्यांना सांगितले. क्लिक करा आणि वाचा- याचा राग आल्याने महिताप साखरकरने इम्तियाज पटेल यांच्या शर्टची कॉलर पकडून गाडीची चावी असलेल्या फाईटने आणि लाथानी मारहाण केली. मारहाणीची ही घटना सोमवारी, २६ डिसेंबर रोजी दुपारी २ वाजण्याच्या सुमारास खासगी हॉस्पिटलमध्ये घडली आहे. याप्रकरणी अधिक तपास शहर पोलीस करत आहेत. क्लिक करा आणि वाचा- या सगळ्या प्रकरणी भा.द.वि.का.क. ३२४,३२३, ५०४ प्रमाणे संशयित रुग्णावर गुन्हा दाखल करण्यात आला आहे. आजारी वृद्धाला मारहाण झाल्याने काही काळ घबराट उडाली होती. गर्दी करू नका असे सांगितले म्हणून अशआ क्षुल्लक गोष्टीवरून हा सगळा प्रकार घडला आहे. पण भविष्यात अशा घटना घडू नयेत म्हणून नियमावलीचे पालन करणे हे सगळ्यानीच गरजेचे आहे. ही मारहाण करून दहशत निर्माण करणाऱ्या संशयितावर योग्य ती कारवाई होणे आवश्यक आहे जेणेकरून पुन्हा आशा घटना कोणत्याही रुग्णालयात किंवा परिसरात घडणार नाहीत, असे येथील नागरिक म्हणू लागले आहेत. क्लिक करा आणि वाचा-

from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/sRhJxqT