म. टा. खास प्रतिनिधी,मुंबई : ‘वीज चोरून वापरू नका, कायदेशीर मीटर बसवूनच वीज वापरा’, असे संदेश वारंवार देऊनही मुंबईत मोठ्या प्रमाणात बेस्टची वीजचोरी होत आहे. विजचोरी वापरणाऱ्याविरोधात बेस्टच्या विद्युत विभागाच्या दक्षता पथकाकडून धडक कारवाई केली जाते. मात्र कारवाई करूनही वीजचोरी होत असून त्यात वाढ झाल्याचे समोर आले आहे. बेस्टचा विद्युत विभाग परिवहन विभागाच्या तुलनेत नेहमीच फायद्यात होता. हा विभाग अनेक कारणास्तव तोट्यात गेला. त्यानंतर पुन्हा काहीसा फायद्यात आला. या विद्युत विभागाला वीजचोरीचा नेहमीच मोठा फटका बसतो. छोटे-मोठे उद्योगधंदे करणाऱ्यापासून घरगुती वीज वापरकर्त्यांकडून मीटरमध्ये फेरफार केलेले आढळतात. तर अनधिकृत झोपडपट्ट्यांमध्येही अवैध जोडणी करून वीज वापरली जाते. अनधिकृतपणे वीज वापरण्याचा प्रयत्न हा पदपथावरील फेरीवाल्यांकडूनही होतो. मोठय़ा प्रमाणावर अनधिकृत फेरीवाल्यांनी पदपथावरच पथाऱ्या पसरल्या आहेत. या फेरीवाल्यांचे ठेले संध्याकाळनंतर विजेच्या दिव्याने उजळून निघतात. मोहम्मद अली रोड,सारंग स्ट्रीट, कोळसा स्ट्रीट, सरदार वल्लभाई रोड, नौरोजी हिल रोड यासह मुंबईतील अनेक ठिकाणी अनधिकृत फेरीवाल्यांचे बस्तान पदपथावरच असते. मीटरचा वेग कमी करणे, मीटरशिवाय थेट विद्युत पुरवठा घेणे इत्यादी प्रकारे वीजचोरी होते. अशा वीजचोरांवर बेस्टच्या विद्युत विभागातील दक्षता पथकाकडून कारवाई केली जाते.२०२१-२२मध्ये १ हजार २२२ वीजचोरी प्रकरणांत ७ कोटी ५६ लाख ६७ हजार रुपयांची, तर २०२२-२३ मध्ये १ हजार ५०३ प्रकरणांमध्ये १० कोटी ३० लाख ५१ हजार रुपयांची वीजचोरी झाली आहे. वीजचोरीची नोंद पाहिल्यास त्यात वाढ झाली आहे. या नोंद झालेल्या प्रकरणांमध्ये १४५ प्रकरणांत तर वीज मीटरशी छेडछाड करण्यात आली आहे. तर २ हजार २९८ प्रकरणात विजेच्या खांबातून थेट वीजपुरवठा घेण्यात आला आहे. तर अन्य प्रकरणेही दाखल आहेत.चोरी झालेल्या एकूण प्रकरणांमध्ये १२ कोटी ६७ लाख रुपयांची वसुलीही केल्याची माहिती बेस्ट उपक्रमाने दिली. वीज चोरांवर कठोर दंडात्मक कारवाई केली जाते. वीज चोरण्याऐवजी योग्य प्रकारे वीज घेतल्यास किंवा त्याचा वापर केल्यास बेस्ट उपक्रमाकडून त्याचे महत्त्व पटवून देण्यात येते. शिवाय व्यापारांसह घरगुती वीज वापरणाऱ्यांना दिल्या जाणाऱ्या सवलतींविषयी समजावण्यात येते. त्यामुळे अधिकृतरित्याही काही वीज घेतात. त्यानंतरही वीजचोरीचे प्रमाण काही कमी होत नाही. धारावी, अँटॉप हिलमध्ये सर्वाधिक प्रकरणेमुंबईतील धारावी, अँटॉप हिल परिसरात सर्वाधिक वीजचोरी होते. २०२१-२२मध्ये धारावीत २५९ वीजचोरी प्रकरणे दाखल होती. त्यात वाढ होऊन २०२२-२३मध्ये ३४२ प्रकरणे दाखल झाली आहेत. अँटॉप हिलमध्येही २०२१-२२मध्ये ४१९ वीजचोऱ्यांची नोंद झाली असतानाच चालू आर्थिक वर्षात ५११ चोरी झाल्याची माहिती देण्यात आली.वीजचोरी प्रकरणे- आरोपी२०२१-२२- ६३२२०२२-२३- ७१७गुन्हे दाखल२०२१-२२ वर्ष-१२४ गुन्हे दाखल२०२२-२३ वर्ष-१३६ गुन्हे दाखल
from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/6IoRftL
No comments:
Post a Comment