नागपूर : लग्नाच्या बहाण्याने दोन मुलांची आई असलेल्या महिलेचे इन्स्टाग्रामवर भेटलेल्या एका तरुणाशी प्रेमसंबंध सुरू झाले. मात्र त्या तरुणाने त्या महिलेचे नग्न फोटो काढले. नातेवाईकांना फोटो पाठवण्याची धमकी देऊन तो वारंवार शारीरिक संबंध ठेवायचा. वारंवार होणाऱ्या लैंगिक शोषणाला कंटाळून महिलेने पोलिसांत तक्रार दाखल केली. तक्रार मिळाल्यानंतर पोलिसांनी आरोपीला अटक केली असून पुढील तपास करत आहेत.पीडित महिलेचे वय ३० वर्षे असून तिला दोन मुले आहेत. तिचा पतीपासून घटस्फोट झाला आहे. ती ब्युटीशियन म्हणून काम करते. तिच्या पतीच्या नातेवाईकाचे एका मुलीशी प्रेमसंबंध होते. त्याची माहिती तिला मिळाली. त्यामुळेच तिने एका तरुणाशीही प्रेमसंबंध ठेवण्याचा निर्णय घेतला. २०२० मध्ये तिची ओळख २३ वर्षीय आरोपी मोहम्मद इर्शाद फारूक अन्सारी याच्याशी फेसबुकच्या माध्यमातून झाली. त्यानंतर त्यांच्यात शारीरिक संबंध निर्माण झाले. आरोपीने महिलेला लग्नाचे आमिष दाखवले होते, अशी माहिती मिळाली आहे. आरोपी इर्शादने तिच्या दुःखात तिला साथ देण्याचे आमिष दाखवले. आणि महिला त्याच्या जाळ्यात अडकली. लग्नाच्या बहाण्याने आरोपीने तिच्याशी शारीरिक संबंध ठेवले. ७ ऑगस्ट २०२१ ते ६ एप्रिल २०२३ पर्यंत आरोपीने पीडितेवर लैंगिक अत्याचार केले. यादरम्यान त्याने महिलेचे अनेक अश्लील फोटो आणि व्हिडिओ काढले होते. गेल्या काही महिन्यांपासून इर्शादने पीडितेच्या चारित्र्यावर अपशब्द काढण्यास सुरुवात केली होती. आरोपीने इन्स्टाग्रामवर आक्षेपार्ह पोस्ट टाकून महिलेची जाहीर बदनामी केली आणि नंतर लग्नास नकार दिला. याबाबत पीडितेने मानकापूर पोलिसांत तक्रार केली. पीडितेच्या तक्रारीनंतर पोलिसांनी आरोपीला अटक केली. पोलीस अधिक तपास करत आहेत.
from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/JNOCtfG
No comments:
Post a Comment