मराठा समाजाला दिले ते सर्व ओबीसींना द्या, आमचे २७ टक्के आरक्षण भरा:छगन भुजबळ https://ift.tt/BWoY0qb

म. टा. वृत्तसेवा, इंदापूर: 'राज्यात मी अशांतता निर्माण करण्याचा प्रयत्न करीत असल्याचा आरोप केला जात आहे. मात्र, मराठा आरक्षणाच्या मुद्द्यावर दररोज तर मी १५ दिवसांतून एक सभा घेत आहे. यामुळे शांतता भंग करण्याचे काम कोण करीत आहे ते ठरवा,' असे टीकास्त्र अन्न व नागरी पुरवठामंत्री यांनी शनिवारी डागले. '२४ तारखेनंतर माझा हिशेब करण्याची भाषा करणाऱ्यांना दादागिरीनेच उत्तर देणार आहे', असा इशाराही त्यांनी दिला. 'मराठा समाजाला दिले ते सर्व ओबीसींना द्या. आमचे २७ टक्के आरक्षण भरा आणि मग तुम्हाला हवे ते करा', असे भुजबळ यावेळी म्हणाले.इंदापूर येथे भुजबळ यांच्या प्रमुख उपस्थितीत ओबीसी आरक्षण बचाव एल्गार मेळावा आयोजित करण्यात आला होता. यावेळी त्यांनी जरांगे यांना गाढवाची उपमा दिली. 'मी १९८५मध्ये मुंबईचा महापौर आणि आमदार झालो होतो. तेव्हा यांचा (मनोज जरांगेंचा) जन्म झाला होता की नाही, माहिती नाही. मला तो येवल्याचे येडपट म्हणतो. अरे तू ग्रामपंचायतीचा सरपंच होऊन दाखव', असे आव्हान भुजबळ यांनी दिले. 'गाढवाला एवढ्या उंचीवर घेऊन गेले कोण? आता सगळे डोक्याला हात लावून बसले आहेत,' अशा शब्दांत भुजबळ यांनी सुनावले.'मी कुठेही गेलो तरी गावबंदी. घनसांगवी गावात दोन फलक लावले होते. एक मराठा आरक्षण गावबंदीचा. दुसऱ्या बाजूला दुसरा फलक होता आमदार रोहित पवार यांच्या यात्रेनिमित्त स्वागताचा. बाकीच्यांना गावबंदी आणि पवार यांचे स्वागत. तिथे पवार यांनी भाषणही केले. यावेळी गावातील मुलाने प्रश्न उपस्थित केला म्हणून त्याला दुसऱ्या दिवशी मारहाण झाली. त्याला उपचारांसाठी रुग्णालयात दाखल करण्यात आले होते,' असे भुजबळ म्हणाले. 'एकाच पक्षाला मुभा आणि बाकीच्यांना गावबंदी? घटनेच्या १९व्या कलमानुसार कोणी कुणाला अडवू शकत नाही. कोणी कुठेही जाऊ शकतो. कुणी अडवले तर एक महिन्याची सक्तमजुरीची शिक्षा आहे, हे ध्यानात ठेवा,' अशा शब्दांत भुजबळ यांनी रोहित पवारांवरही नेम धरला. गावबंदी ठरावीकांसाठी असल्याचा दावाही त्यांनी केला.भुजबळ काय म्हणाले?- मराठ्यांना वेगळे आरक्षण द्या, ओबीसींमधून नको.- आमचा मराठ्यांना विरोध नाही, झुंडशाहीला विरोध.- जरांगेसाठी कायदा नाही का? त्याच्यावर कारवाई का होत नाही?- आम्ही ओबीसी शूद्र, मग शूद्र होण्यासाठी कुणबी प्रमाणपत्र का मागता?- तुमचा राग भुजबळांवर असू शकतो, पण तो ओबीसींवर काढू नका- गेल्या दोन महिन्यांत दिल्या गेलेल्या कुणबी दाखल्यांना स्थगिती द्या.'कुणबी नोंदी दडवू नका'लातूर : 'मराठा समाजाच्या कुणबी नोंदी असूनही काही अधिकारी नोंदी जाणूनबुजून दडवून ठेवत आहेत. अशा कामचुकार अधिकाऱ्यांना निलंबित करा. मराठ्यांचे वाटोळे करणारे अधिकारी नोंदी शोधण्याच्या कामात नको. अधिकाऱ्यांनी जातीयवाद न करता आपली जबाबदारी पार पाडावी. तुम्ही कुणबी नोंदी बुडाखाली लपवून ठेवणार असाल तर ते सहन करणार नाही,' असा इशारा मराठा आरक्षण आंदोलनाचे नेते मनोज जरांगे पाटील यांनी शनिवारी जाहीर सभेत दिला.Read And

from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/eiPJIvd