मुंबई : वाहतुकीचे वेगवेगळे नियम मोडणाऱ्या चालकांवर ठोठावण्यात आलेल्या शेकडो कोटी रुपये दंडाची रक्कम वसूल करण्यासाठी वाहतूक पोलिसांकडून प्रयत्न सुरू आहेत. याचाच भाग म्हणून सुमारे १७ लाख चालकांना दंड भरण्यासाठी, तसेच लोकअदालतमध्ये उपस्थित राहण्यासाठी नोटीस धाडण्यात आली होती. या नोटीशीची चांगलीच धडकी वाहनचालकांना बसली असून, आठ दिवसांत १५ कोटींपेक्षा अधिकची दंडाची रक्कम भरण्यात आली आहे. दोन लाखांपेक्षा अधिक चलानवरील थकलेल्या दंडाची ही रक्कम असल्याचे पोलिसांनी म्हटले आहे.२०१६मध्ये इ-चलान प्रणाली सुरू- मुंबई पोलिसांच्या वाहतूक विभागाने वाहनचालकांवर कारवाईसाठी ऑक्टोबर २०१६मध्ये इ-चलान प्रणाली सुरू- पावती पुस्तकाऐवजी पोलिसांच्या हाती मशिन्स देण्यात आल्या- या मशीनवर गाडीचा फोटो, तसेच गाडी क्रमांक, परवाना क्रमांक आणि इतर माहिती टाकल्यावर तयार होते.- यामुळे वाहतुकीच्या नियमांचे उल्लंघन करणाऱ्यांवर कारवाईचा वेग वाढला- दंडाची रक्कम वसूल करण्याचे थेट अधिकार नसल्याने इ चलानच्या माध्यमातून ठोठावण्यात आलेल्या दंडाच्या रकमेत वाढ- वाहनचालकांनी आपल्या वाहनावरील दंडाची रक्कम अदा करावी यासाठी वाहतूक पोलिसांकडून वेगवेगळ्या प्रकारे प्रयत्न- कॉल सेंटरमधून फोन करून चालकाला थकीत दंडाची कल्पना देणे- कायदेशीर नोटीस घरी पाठवणे- ठरविक रकमेपेक्षा अधिक थकीत दंड असेल, तर घरी पोलिस पाठवूनही दंडवसुली नाहीनोटीस पाठवण्यास सुरुवातअनेकदा आवाहन करूनही वाहनचालक दंड भरत नसल्याने ३० नोव्हेंबरपासून पोलिसांनी त्यांना नोटीस पाठविण्यास सुरुवात केली. थकीत दंडाची रक्कम भरण्यासाठी शनिवारी आयोजित करण्यात आलेल्या लोकअदालतमध्ये हजर राहण्याची संधी देण्यात आली. वाहनावर दंड न भरल्यास किंवा लोक अदालतमध्ये हजर राहून आपली बाजू न मांडल्यास पुढील कायदेशीर कारवाईसाठी न्यायालयीन प्रक्रियेस सामोरे जावे लागेल, असा इशारा देण्यात आला होता. पोलिसांच्या नोटिशी येताच कायदेशीर प्रक्रिया टाळण्यासाठी अनेकांनी दंडाची रक्कम अदा केली. ३० नोव्हेंबर ते ८ डिसेंबर या कालावधीत सुमारे दोन लाख ३२ हजार ६८४ इ- चलानवरील सुमारे पंधरा कोटी रुपयांचा दंड भरण्यात आला आहे.लोकअदालतमध्ये २८ लाख रुपये जमा- मुंबईतील २१ न्यायालयांत शनिवारी ९ डिसेंबरला लोकअदालत आयोजित- यामध्ये हजर राहून तडजोडीअंती येणारी दंडाची रक्कम भरण्याचे वाहतूक पोलिसांचे आवाहन- एका दिवसात ८५० चालकांनी लोकअदालतमध्ये उपस्थित राहून २८ लाख २१ हजार ३०० रुपये इतका दंड भरलाकोटवाहतूक पोलिसांकडून दंडवसुलीसाठी कोणत्याही प्रकारची जबरदस्ती करण्यात येत नाही, मात्र वाहतुकीचे नियम मोडल्याने जारी करण्यात आलेल्या इ चलानचा दंड भरावाच लागेल. इ चलान पाठवताना कोणत्या कारणासाठी जारी करण्यात आले आहे याबाबतची माहिती फोटोसह चालकाला पाठविण्यात येते. त्यामुळे चुकीने इ चलान जारी झाले असल्यास दाद मागण्याची तरतूद आहे. त्यामुळे वाहनावरील थकीत दंड भरावा आणि पुन्हा इ चलान जारी होणार नाही यासाठी वाहतुकीचे नियम पाळावेत.- प्रवीण पडवळ,वाहतूक पोलिस सहआयुक्त
from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/BXquKk3
No comments:
Post a Comment