मित्रा, जसप्रीत बुमराह... तू प्रत्येक वेळी हरवलेला खेळ कसा फिरवतोस? जेव्हा टीम इंडिया संकटात सापडली तेव्हा तू भारतीय संघासाठी देवदूत बनलास... जेव्हा आशा तुटायला लागतात तेव्हा बुमराहचे नाव सर्वांच्या ओठावर असते... हे प्रत्येक वेळी दिसून येते. तुला चमत्कार करण्याची सवय आहे, असाच काहीसा चमत्कार तू टी-२० विश्वचषकाच्या अंतिम सामन्यातही केलास. बार्बाडोसमध्ये खेळल्या गेलेल्या विश्वचषकाच्या अंतिम सामन्यात टीम इंडिया हा सामना हरणार आणि आयसीसी विजेतेपद मिळवण्याचे भारताचे स्वप्न केवळ स्वप्नच राहिल असे वाटत होते. मात्र जसप्रीत बुमराहने हे होऊ दिले नाही. बुमराहने पुन्हा एकदा आपल्या गोलंदाजीने सामना बदलला आणि सध्याच्या काळातील महान गोलंदाजांमध्ये त्याची गणना का केली जाते हे दाखवून दिले. त्याला जादूगार तसेच यॉर्कर किंग का म्हणतात हे त्याने पुन्हा एकदा स्पष्ट केले. मात्र बुमराहने आपल्या गोलंदाजीने सामना बदलण्याची ही पहिलीच वेळ नव्हती. या विश्वचषकात त्याने पाकिस्तानविरुद्ध अशीच काहीशी कामगिरी केली होती. पाकिस्तानचा संघ विजयी होताना दिसत होता. पण १५ व्या षटकात बुमराहने मोहम्मद रिझवानची विकेट घेत भारताला सामन्यात परत आणले आणि त्यानंतर टीम इंडियाचा विजय झाला. भारताच स्टार गोलंदाज जसप्रीत बुमराहने जगाला त्याची ओळख अगदी कमी वेळात करुन दिली आहे. यासाठी त्याने मोठा संघर्ष केला आहे. यातूनच तो जगातील सर्वोत्तम वेगवान गोलंदाज बनला आहे.
दुखापतीमुळे क्रिकेटपासून दूर राहावं लागलं
याआधी २०२२ मध्ये बुमराहला दुखापत झाली होती. त्यानंतर असे बोलले जात होते की बुमराह कधीही पुनरागमन करू शकणार नाही. जवळपास वर्षभरानंतर बुमराहने २०२३ च्या एकदिवसीय विश्वचषकापूर्वी पुनरागमन केले. २०२३ मध्ये एकदिवसीय विश्वचषकात जबरदस्त कामगिरी केल्यानंतर आता बुमराहने टी-२० विश्वचषकातही आपली जादू दाखवली आहे. भारताच्या विजयात वेगवान गोलंदाज जसप्रीत बुमराहची भूमिका महत्त्वाची होती. यासाठी त्याला प्लेअर ऑफ द टूर्नामेंटचा पुरस्कार देण्यात आला.पुनरागमन करताच टीकाकारांना खेळातून उत्तर
बुमराहने २०२३ मध्ये पुनरागमन केले होते. त्यानंतर आशिया कप, एकदिवसीय विश्वचषक स्पर्धेत भाग घेतला. गेल्या एका वर्षात बुमराहने तिन्ही फॉरमॅटमध्ये एकूण ६७ विकेट्स घेत टीकाकारांचे तोंड बंद केले आहे. या काळात त्याने केलेली कामगिरीचे सर्वत्र कौतुक झाले. दुखापतीतून स्वत:ला सावरत पुन्हा त्याने त्याच्या धेयाकडे वाटचाल केली. यावेळी त्याला मोठ्या प्रमाणात संघर्ष करावा लागला. बुमराहचा आतापर्यंतचा हा प्रवास प्रेरणादायी आहे.जसप्रीत ५ वर्षाचा असताना वडिलांचं निधन
जसप्रीत बुमराह मुळचा गुजरातचा. त्याच्या जन्मानंतर त्याचं वजन कमी होतं. पालकांनी जसप्रीतचा मोठ्या लाडात वाढवलं. मात्र तो ५ वर्षाचा असताना त्यांच्या कुटुंबावर मोठं संकट कोसळलं. तो लहान असताना त्याच्या वडिलांचं निधन झालं. यानंतर कुटुंबाची सर्व जबाबदारी आई दलजीत यांच्या खांद्यावर आली. मुलांचं शिक्षण आणि त्यांच्या संगोपनाची जबाबदारी आईने पार पाडली. कुटुंब सांभाळण्यासाठी बुमराहच्या आईने १६-१७ तास काम केले आणि मुलांना वाढवलं. त्यांनी शाळेत शिक्षक म्हणून काम करायला सुरुवात केली. एकटीने कुटुंब सांभाळले. कधी दिवस चांगले गेले. कधी कधी किरकोळ गरजाही पूर्ण होत नव्हत्या. पुढे त्या शाळेच्या मुख्याध्यापिका झाल्या.लहान वयात क्रिकेटचं वेड अन् आईचा खंबीर पाठिंबा
जसप्रीत बुमराहलाही त्याच्या कुटुंबाची स्थिती कळत होती. मात्र त्या चिमुकल्याने लहानपणीच ठरवलं या परिस्थितीतून बाहेर पडायचं. त्याचवेळेस त्याला क्रिकेटचं वेड लागलं. ५ व्या वर्षांपासून त्याच्या हाती प्लॅस्टिक बॅट आणि बॉल आला. बाळाचे पाय पाळण्यात दिसतात अगदी तसंच बुमराहची क्रिकेटप्रेम दिसून आलं. बुमराहची क्रिकेटबद्दल आवड पाहता आर्थिक परिस्थिती फारशी चांगली नसतानाही आईने आपल्या मुलाला क्रिकेटमध्ये पुढे जाण्यासाठी पूर्ण पाठिंबा दिला. त्या कठीण काळातून त्याने खूप संघर्ष केला. आईनेही त्याला साथ दिली. यामुळे तो आज पुर्ण जगात यॉकर्र किंग म्हणून नावारुपास आला. मित्रा तुझ्यासारखा गोलंदाज शतकात एकदाच जन्माला येतो आणि या देशाला तुझ्यासारखा गोलंदाज मिळाला हे धन्य आहे...!from Marathi News: मराठी बातम्या, Latest News in Marathi, Breaking Marathi News, Lok Sabha Election Result 2024 News in Marathi | Maharashtra Times https://ift.tt/AqnSUec
No comments:
Post a Comment