विराट आणि बाबर कसे काय एकाच संघातून खेळू शकतात, गोष्ट सोपी करून जाणून घ्या... https://ift.tt/t2D9GhL

मुंबई : विराट कोहली आणि बाबर आझम हे दोघेही पारंपरिक प्रतिस्पर्धी संघातले. आणि यांच्यातील सामना म्हणजे विश्वातील तिसरं महायुद्ध असतं. त्यामुळे भारत आणि पाकिस्तानचे हे दोन खेळाडू एकाच संघात कसे काय खेळू शकतात, हा प्रश्न चाहत्यांना पडलेला आहे. पण विराट आणि बाबर हे एकाच संघात कसे खेळू शकतात, याचे कारण आता समोर आले आहे.

विराट आणि बाबर कोणत्या संघाकडून खेळणार...

विराट आणि बाबर हे आशिया खंडाच्या संघाकडून एकत्रित खेळणार असल्याचे आता समोर येऊ शकतात. आशिया खंडाचा एक संघ बनवला जातो, ज्यामध्ये भारत, पाकिस्तान, श्रीलंका, बांगलादेश या संघांतील अव्वल खेळाडूंचा समावेश असतो. त्यामुळे विराट आणि बाबर या संघाकडून एकत्र खेळणर असल्याचे म्हटले जात आहे.

कोणत्या संघाविरुद्ध असणार हा सामना...

विराट आणि बाबर ज्या आशियाच्या संघाकडून खेळणार आहेत, त्यांचा सामना आफ्रिका इलेव्हन या संघांबरोबर होणार आहे. आफ्रिका संघातील दक्षिण आफ्रिका, झिम्बाब्वे, केनिया या संघांतील अव्वल खेळाडूंचा आफ्रिका खंडाच्या संघात समावेश करण्यात येणार आहे.

हा सामना कोणत्या कारणासाठी खेळवला जातो...

बीसीसीआय ही नेहमीच गरजू देशांना मदत करत असते. आफ्रिकेतील देशांच्या क्रिकेट मंडळांची आर्थिक स्थिती फारशी चांगली नाही. त्यामुळे आफ्रिकेतील या देशांच्या संघटनांना आर्थिक मदत व्हावी, यासाठी हा सामना खेळवला जातो. या सामन्यांतील ८० टक्के नफा हा आफ्रिकेच्या या संघाला दिला जातो. जेणेकरून झिम्बाब्वे आणि केनियासारख्या देशांनी आर्थिक पाठबळ मिळेल आणि त्यांना क्रिकेट हा खेळ चांगला विकसित करता येऊ शकतो. आफ्रो-आशिया चषक, असे या स्पर्धेचे नाव असते.

आफ्रो-आशिया चषक कधीपासून खेळवला जातो...

हा चषक २००५ सालापासून खेळवला जातो. पहिल्यादा ही स्पर्धा दक्षिण आफ्रिकेत आयोजित केली होती. त्यानंतर २००७ साली हा चषक भारतामध्ये आयोजित केला होता. त्यानंतर २००९ साली हा चषक केनियामध्ये आयोजित करण्याचे ठरले होते. पण ही स्पर्धा काही होऊ शकली नाही. त्यानंतर ही स्पर्धा होऊ शकली नाही. त्यानंतर बऱ्याच वर्षांनी आता ही स्पर्धा खेळवली जाणार आहे. चाहत्यांसाठी ही स्पर्धा म्हणजे एक पर्वणी असते. कारण या स्पर्धेत २-३ देशांचे खेळाडू एकत्रित खेळताना दिसतात. सर्वांना यावेळी भारत आणि पाकिस्तानच्या खेळाडू एकत्रितपणे कशी कामगिरी करतात, हे पाहण्याची जास्त उत्सुकता असते. आशिया संघात विराट आणि बाबर असणार असे म्हटले जात आहे, पण हा संघ अजून जाहीर करण्यात आलेला नाही.

from Marathi News: मराठी बातम्या, Latest Marathi Breaking News & Headlines | Maharashtra Times https://ift.tt/U3pNXV4