मुंबई- गेले काही दिवस अभिनेता इम्रान खान पुन्हा एकदा मोठ्या पडद्यावर दिसणार अशा चर्चा रंगल्या होत्या. पण नक्की तो कोणत्या सिनेमातून परत येईल हे अद्याप समोर आलेले नाही. चित्रपट, लाइमलाइट आणि सोशल मीडियापासून बराच काळ दूर राहिल्यानंतर, आमिर खानचा भाचा इमरानने चित्रपट जगात परतण्याचा निर्णय घेतला आहे. आयरा खानच्या लग्नात धमाल केल्यानंतर, त्याने अलीकडील मुलाखतीत लोकांचे लक्ष वेधून घेतले आहे. त्याने त्याच्या बदललेल्या आयुष्याबद्दल आणि त्याने त्याची जीवनशैली कशी पूर्णपणे बदलली आहे याबद्दल सांगितले. इमरानची बदललेली जीवनशैली इतर बॉलिवूड कलाकारांपेक्षा पूर्णपणे वेगळा आहे. तो २०१६ पासून स्वतःचे केस स्वतः कापतो. तो गेली १० वर्ष तोच चष्मा घालतोय. आजही तो तोच सूट घालतो जो त्याने १० वर्षांपूर्वी वापरला होता. गेल्या वर्षी तो इरा खानच्या लग्नात दिसला होता. बॅक फिट, रिलायक्स फिट आणि विचित्र कपडे ट्रेंडमध्ये असताना, इमरान नेहमीच क्लासिक कपड्यांमध्ये दिसतो. तो नेहमीच चांगल्या फिटिंग कपड्यांमध्ये दिसला आहे. इमरानने आयुष्यात केले मोठे बदल इमरानचा शाश्वत जीवनावर विश्वास आहे. म्हणूनच त्याने अनेक गोष्टी सोडून दिल्या आहेत. त्याने सर्व सुखसोयींचाही त्याग केला आहे. त्याने त्याची लाडकी चेरी-रेड फेरारी देखील विकली आणि तिच्या जागी साधी फोक्सवॅगनने घेतली आहे. तो त्याच्या पाली हिल येथील आलिशान बंगल्यातूनही बाहेर पडला आहे, सध्या इमरान वांद्रे येथील एका अपार्टमेंटमध्ये राहतो. जिथे त्याने त्याच्या आयुष्यात अनेक बदल केले आहेत. त्याने त्याची जीवनशैली पूर्णपणे बदलली आहे आणि आता त्याच्या स्वयंपाकघरात फक्त तीन प्लेट्स, तीन काटे चमचे, दोन कॉफी मग आणि एक फ्राईंग पॅन आहे. इमरानबद्दलची ही सर्व माहिती व्लॉग्सद्वारे शेअर करण्यात आली आहे. ता फोनपासून अंतर ठेवलं एक काळ असा होता जेव्हा इमरान खान त्यांच्या फोनला चिकटून राहायचा. तो एकही फोन कॉल किंवा ईमेलला उत्तर न देता राहू शकत नव्हता. पण आता तो पूर्णपणे बदलला आहे आणि त्याने त्याच्या जीवनशैलीत बदल केला आहे. आता तो फोनपासून दूर राहतो. या चित्रपटांमध्ये काम केले इमरान त्याची पत्नी अवंतिका मलिकपासून विभक्त झाला. पण तो त्याची मुलगी इमाराचे पालनपोषण करत आहे. आमिरचा भाचा इमरान सध्या अभिनेत्री लेखा वॉशिंग्टनला डेट करत आहे. आता इमरान पुनरागमनासाठी सज्ज असून लवकरच बॉलिवूड चित्रपटांमध्ये धमाल करताना दिसेल. इमरान शेवटचा 'कट्टी बट्टी' चित्रपटात दिसला होता, ज्यामध्ये त्याची सहकलाकार कंगना राणौत होती. हा चित्रपट बॉक्स ऑफिसवर फारसा चालला नाही. मध्यंतरी जेव्हा तो सर्वांपासून अलिप्त झालेला तेव्हा, तो त्याचा बहुतेक वेळ घरी चित्रपट पाहण्यात घालवत असे. याशिवाय, अभिनेता 'जाने तू या जाने ना', 'डेल्ही बेली', 'मेरे ब्रदर की दुल्हन' सारख्या चित्रपटांमध्ये दिसला आहे.
from Marathi News: मराठी बातम्या, Latest Marathi Breaking News & Headlines, Maharashtra Vidhan Sabha Elections Result News in Marathi | Maharashtra Times https://ift.tt/DSkjqJp
No comments:
Post a Comment