भोपाळ : एका घरातील तरुणाने त्याच्या वडिलांना मारहाण केल्याचा प्रकार समोर आला आहे. या घटनेचा हैराण करणारा व्हिडिओ समोर आला आहे. या व्हिडिओमध्ये मुलगा वडिलांना मारहाण करत असल्याचं दिसत आहे. मारहाण करणारा मुलगा नशेच्या आहारी गेल्याची माहिती आहे.
मुलाकडून वडिलांना मारहाण
रविवारी दुपारी ही घटना समोर आली. आपल्या वडिलांच्या गळ्यात झोपाळ्याची रश्शी टाकून मुलगा त्यांना मारहाण करत होता. घरातील कुटुंबीय मुलाला मारहाण करण्यापासून थांबवण्याचा प्रयत्न करत होते. पण मुलगा आपल्या वडिलांना सतत मारहाण करत होता. त्यानंतर या घटनेची माहिती पोलिसांना देण्यात आली. सध्या याप्रकरणी पोलिसांनी मुलाला अटक केली आहे. मध्य प्रदेशातील सागर जिल्ह्यातील जमुनिया गावात ही घटना घडली आहे. व्यसनी, नशेत असलेल्या मुलाने वडिलांना अतिशय मारहाण केल्याच्या घटनेने परिसरात एकच खळबळ उडाली आहे.सुनेला शिवीगाळ केल्याने वडिलांनी अडवलं, मुलाकडून मारहाण
वडील व्यवसायाने ड्रायव्हर आहेत. त्यांनी पोलिसांना दिलेल्या माहितीनुसार, रविवारी दुपारी १२ वाजता आपल्या घरातच होते. त्यावेळी त्यांचा मुलगा बाहेरुन आला आणि त्याच्या पत्नीला खोलीचा दरवाजा उघडण्यासाठी जबरदस्ती करू लागला. त्याच्या पत्नीने दरवाजा न उघडल्याने तो शिवीगाळ करू लागला. तो सतत नशेत असल्याने वाद करायचा, त्यामुळेच त्याच्या पत्नीने दरवाजा उघडला नाही.मला जमिनीचा हिस्सा दिला नाही तर...
मुलगा सतत शिवीगाळ करत असल्याने वडिलांनी त्याला थांबवलं. त्यानंतर मुलाने वडिलांना मारहाण करण्यास सुरुवात केली. त्याने वडिलांना पकडून लाथा-बुक्क्यांनी मारहाण केली. यावेळी त्याने वडिलांना बोलताना सांगितलं, की मला जमिनीचा हिस्सा दिला नाही, तर सर्वांना ठार करेन अशी धमकीही त्याने दिली. मुलाकडून झालेल्या मारहाणीत वडिलांच्या मान, खांद्यावर गंभीर जखमा झाल्या आहेत. पोलिसांनी घटनास्थळी दाखल होत मारहाण करणाऱ्या आरोपी मुलाला अटक करण्यात आली. त्याला न्यायालयात दाखल करण्यात आलं आहे. वडिलांना मारहाण केल्यानंतर त्यांच्या जबाबानंतर तसंच व्हिडिओच्या आधारे पोलिसांनी एफआयआर दाखल केली आहे.from Marathi News: मराठी बातम्या, Latest Marathi Breaking News & Headlines, Election 2025 Live in Marathi | Maharashtra Times https://ift.tt/0mSjECc
No comments:
Post a Comment