सूरत: गुजरातमधील येथे असलेल्या ओएनजीसीच्या (Oil and Natural Gas Corporation) प्लाण्टला भीषण आग लागली आहे. पहाटेच्या सुमारास प्लाण्टमध्ये मोठे स्फोटाचे आवाज झाले आणि त्यानंतर आगीचे लोळ उठले. अग्निशमन दलाच्या गाड्या घटनास्थळी पोहोचल्या असून मदत व बचावकार्य सुरू करण्यात आलं आहे. आगीत कोणीही जखमी झाल्याचे वृत्त नाही. आगीचे नेमके कारण अद्याप समजू शकलेले नाही. हाझिरा येथील ओएनजीसीच्या प्लांटमध्ये पहाटे तीन वाजण्याच्या सुमारास लागोपाठ तीन स्फोट झाले. त्यानंतर आगीच्या ज्वाळा उठल्या, अशी माहिती सूरतचे जिल्हाधिकारी धवल पटेल यांनी दिली. ओएनजीसीच्या सूरतमधील प्लॉण्टमध्ये यापूर्वीही आगीच्या घटना घडल्या आहेत. २०१५ साली इथं लागलेल्या आगीत १२ जण जखमी झाले होते.
from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/2ZYGgCP
No comments:
Post a Comment