म. टा. विशेष प्रतिनिधी, मुंबई भारतीय बनावटीचा पहिला मुंबईत दाखल झाला असून महानगराची सुसह्य होण्यासाठी पुढचे पाऊल टाकले आहे. मुंबई मेट्रोची पहिली मार्गिका जूनपर्यंत सुरू होईल. पुढील काळातील तीन ते चार वर्षे मुंबईसाठी विशेष असतील. सामान्य मुंबईकरांना परवडणाऱ्या घरांसोबत परवडणारी वाहतूक व्यवस्था देण्यात येत असल्याचे मुख्यमंत्री यांनी शुक्रवारी येथे सांगितले. मेट्रो मार्गिका ७ आणि २ (अ) मार्गावरील पहिल्या मेट्रो कोचचे अनावरण, चारकोप मेट्रो डेपो संचलन तसेच नियंत्रण केंद्र, ग्रहण उपकेंद्राचे उदघाटन आणि ब्रँडिंग मॅन्युअलचे प्रकाशन उद्धव ठाकरे यांच्या हस्ते करण्यात आले. 'आजचा दिवस मुंबईसाठी वैशिष्ट्यपूर्ण असून या शहरातील सार्वजनिक प्रवासी वाहतुकीच्या दृष्टीने महत्त्वाचे पाऊल पडले आहे', असेही ठाकरे यांनी सांगितले. लोकलला मेट्रोचा पर्याय उपलब्ध होणार असल्याने उपनगरीय रेल्वेसेवेवरील ताण कमी होणार आहे. आज मुंबईत मेट्रोची जेवढी कामे सुरू आहेत तेवढी जगात कुठेही सुरू नसतील असे गौरवोद्गार ठाकरे यांनी काढले. मेट्रो कोचची ठळक वैशिष्ट्ये चालकविरहीत, ऊर्जा वाचविणारी पुनरुत्पादक ब्रेक सिस्टम प्रत्येक बाजूला चार दरवाजे असलेली स्टेनलेस स्टील रचना सायकलसह प्रवास करण्याची सुविधा मेट्रो मार्गाविषयी. . . मेट्रो लाईन २ए आणि लाइन ७ हे दोन्ही मेट्रो मार्ग महत्त्वपूर्ण आहेत, कारण यामुळे अंधेरी आणि दहिसर दरम्यान मेट्रो प्रवास करण्याचा पर्याय उपलब्ध होणार असून त्यामुळे उपनगरीय लोकल गाड्यांवरील गर्दीचा ताण कमी होणार आहे. मेट्रो लाइन २ ए : दहिसर पूर्व ते डीएन नगरला जोडणाऱ्या १८.५ किमी लांबीच्या मेट्रो लाईन २ ए च्या बांधकामासाठी ६,४१० कोटी रुपये खर्च होत आहे. यात आनंदनगर, ऋषी संकुल, आयसी कॉलनी, एकसर, डॉन बॉस्को, शिंपोली, महावीरनगर, कामराजनगर, चारकोप, मालाड मेट्रो, कस्तुरी पार्क, बांगूरनगर, गोरेगाव मेट्रो, आदर्शनगर, शास्त्रीनगर आणि डीएन नगर ही १६ स्थानके असतील. मेट्रो लाइन ७ : अंधेरी पूर्व आणि दहिसर पूर्वेला जोडणारी १६.४७५किमी लांबीची मेट्रो लाइन ७ ही ६.२०८ कोटी रुपये खर्चून बांधली जात आहे. यामध्ये दहिसर (पूर्व). ओवरीपाडा, नॅशनल पार्क, देवीपाडा, मागाठाणे, महिंद्रा अँड महिंद्रा, बाणडोंगरी, पुष्पा पार्क, पठाणवाडी, आरे, महानंद, जेव्हीएलआर जंक्शन, शंकरवाडी, अंधेरी (पूर्व) अशी १३ स्थानके असतील.
from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/3afP37x
No comments:
Post a Comment