ढाका, : सध्या दोन दिवसांच्या बांगलादेश दौऱ्यावर आहेत. आपल्या भेटीच्या दुसऱ्या दिवशी पंतप्रधान मोदी दक्षिण - पश्चिमच्या ईश्वरीपूर गावातील प्राचीन जेशोरेश्वरी काली मंदिरात दाखल झाले झाले. इथे त्यांनी काली मंदिरात पूजा-अर्चनाही केली. याची माहिती खुद्द पंतप्रधानांनी सोशल मीडियाद्वारे आपल्या चाहत्यांना दिलीय. उल्लेखनीय म्हणजे, आजच पश्चिम बंगाल विधानसभा निवडणूक २०२१ च्या पहिल्या टप्प्यात मतदान पार पडतंय. 'जेशोरेश्वरी काली मंदिरात पूजा करून धन्य पावलो' असं आपल्या ट्विटमध्ये पंतप्रधानांनी म्हटलंय. सोबतच आपला मंदिरातील पूजेचा एक व्हिडिओही पंतप्रधानांनी ट्विटमध्ये जोडलाय. मंदिर परिसरात दाखल झालेल्या पंतप्रधानांचं स्वागत शंख वाजवून आणि टिळा लावून करण्यात आलं. यावेळी, पंतप्रधान नरेंद्र मोदींनी देवीला एक एक मुकूट, साडी आणि इतर पूजेचं साहित्यही अर्पण केलं. तसंच मंदिर परिक्रमाही केली. पंतप्रधानांनी देवाला अर्पण केलेल्या मुकूटाला सोन्याचा मुलामा देण्यात आलाय. हा मुकूट पारंपरिक कारागिरांद्वारे तीन आठवड्यांच्या काळात हातांनी बनवण्यात आलाय. यानंतर पंतप्रधान नरेंद्र मोदी जिल्ह्यातील सुगंधा शक्तीपीठालाही भेट देणार आहेत. हिंदूंच्या ५१ शक्तीपीठांपैंकी एक सुगंधा शक्तीपीठ समजलं जातं. त्यानंतर पंतप्रधान बांगलादेशातील मतुआ समुदायाचे संस्थापक हरिचंद्र ठाकूर यांच्या ठाकूरबाडी म्हणजेच ओरकांडी मंदिरातही जाणार आहेत. याद्वारे बांगलादेशात स्थायिक असलेल्या हिंदूंना आपला समर्थन देण्याचा प्रयत्न पंतप्रधान मोदी करत असल्याचं म्हटलं जातंय. दुसरीकडे, पंतप्रधान मोदींच्या बांगलादेशातील मंदिरभेटी पश्चिम बंगालच्या निवडणुकांशीही अप्रत्यक्षरित्या जोडलेल्या आहेत. पश्चिम बंगालमध्ये आज मतदान पार पडत असलेल्या जागांपैंकी अधिकांश जागा नक्षलग्रस्त जंगलमहल भागातील आहेत. तसंच, बंगालमध्ये मतुआ समुदायाची लोकसंख्या जवळपास दोन कोटींच्या जवळपास आहे. भारतातील प्रमुख निवडणुकींदरम्यान पंतप्रधानांच्या हा तसा काही नवीन नाही. २०१८ सालीही कर्नाटक विधानसभा निवडणुकीदरम्यान पंतप्रधान नेपाळच्या सीता मंदिरात दाखल झाले होते. तर २०१९ साली लोकसभा निवडणुकीदरम्यान ते केदारनाथच्या गुफेत जाऊन ध्यानस्थही बसले होते.
from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/2P9kERO
No comments:
Post a Comment