: सहाय्यक पोलिस निरीक्षक अश्विनी बिद्रे हत्याकांडाच्या सुनावणीदरम्यान न्यायालयात अनुपस्थित राहणाऱ्या पोलिस साक्षीदारांना पनवेलच्या अतिरिक्त सत्र न्यायाधीश माधुरी आनंद यांनी जोरदार दणका दिला आहे. पोलिस नाईक विष्णू कर्डीले यांची शुक्रवारी त्यांची उलट तपासणी होणार होती. मात्र ते उपस्थित राहिले नाहीत. त्यामुळे न्यायालयाने त्यांच्याविरोधात अजामीनपात्र अटक वॉरंट काढले, तर अन्य तीन पोलिस साक्षीदारांविरोधात जामीनपात्र वॉरंट काढण्यात आले. शुक्रवारच्या सुनावणीत दोन साक्षीदारांची साक्ष नोंदवण्यात आली. याप्रसंगी विशेष सरकारी वकील अॅड. प्रदीप घरत, सहाय्यक पोलिस आयुक्त संगीता अल्फान्सो, अश्विनी यांचे पती राजू गोरे न्यायालयात उपस्थित होते. बिद्रे हत्याकांडाचा निकाल लवकरात लवकर लावण्याकरिता या खटल्याच्या सुनावणीसाठी न्यायालयाने आठवड्यातील शुक्रवार राखून ठेवला आहे. याआधीच्या शुक्रवारी सुट्टी आल्याने सुनावणी झाली नाही. पुढील शुक्रवारीही गुड फ्रायडेची सुट्टी असल्याने ही सुनावणी दुसऱ्या दिवशी शनिवार, ३ एप्रिलला होणार आहे.
from Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times https://ift.tt/2P2ko7n
No comments:
Post a Comment